Michapo

Barcelona nyumbani na Ze Gannazzzz leo....

2011-03-08T04:31:00.000-08:00

Hawa wamo katika mchezo wa leo, Nahodha Cesc Fabregas na Mshambuliaji Robin Van Persie.

Arsenal leo wanakutana na Barcelona Camp Nou katika mchezo wa marudiano, baada ya Arsenal kutoka na ushindi wa bao 2-1 katika mchezo uliochezwa uwanja wa Emirates.
Arsenal leo ikiwa kama itafanikiwa kutoka sare ya kutofungana, itakuwa imesonga mbele katika mashindano haya ya klabu bingwa barani Ulaya na itabakia Swa kuwa maana pekee kwa sare nyingine yoyote ya magoli ambayo Arsene Wenger na vijana wake watakayoilazimisha kule Hispania.

Swali ni kuwa je wataweza..... inawezekana kama ilivyowezekana kwao na hata ushindi pia unawezekana, ndiyo imani ya Wenger na vijana wake.

Kocha wa Barcelona Pep Guardiola kwa upande wake amekisifia sana kikosi hichi cha Arsenal anasema ni wakali na wamedumu kuwa timu bora kwani kwa miaka kadhaa sasa wamekuwa wakishiriki klabu bingwa ulaya na kubaki kuwa moja ya timu tatu bora za Uingereza kwa hili anasema hawatawabeza....

Pamoja na uhakika wa nahodha Cesc kucheza uwanja wake wa zamani nyumbani na Van Persie, Bakari Sangna atakuwa na wakati mgumu wa kukabiliana na Leonel Messi ambaye kiungo mwezie Muargentina Marcherano anasema leo atagonga goli tano.

Michezo mwingine utakaochezwa leo ni:

Shakhtar Donetsk vs As Roma

Huyu aligoma kabisa kuzungumza na Vyombo vya Habari......

2011-03-07T06:25:00.001-08:00

Sir Alex Ferguson amegoma....

Mpasuko wa Nani.......eehh wamemnaniii

2011-03-07T06:17:00.000-08:00

Hapa jeraha la Nani likionekana kwa karibu zaidi......

Kuyt agonga "Hat Trick"

2011-03-07T05:52:00.000-08:00

Mdachi baada ya kungonga tatu Mdachi mwezie.....au jezi ya Kipa wa Manchester United ilileta gundu?

Nani Kaumia Kweli.......

2011-03-07T05:34:00.000-08:00

Sehemu ya Mguu wa Loius Nani ikionyesha alivyochanika nyama ya ugoko baada ya kukwatuliwa na beki mkongwe wa Liverpool Jimmy Carragher, jeraha ambalo lilisababisha winga huyu mshabuliaji kuharakishwa nje ya uwanja kwa matibabu....Imefahamika kuwa Beki huyo alikwenda kumuomba radhi katika chumba cha kubadilishia nguo wachezaji.

MICHAPO IMERUDI

2011-03-06T20:16:00.000-08:00

Asalaam aleikum ndugu zangu wote......

Baada ya kimya cha muda mrefu naomba niwashukuru kwa kuwa pamoja nami katika Jahazi...

Mwaka jana tunamshukuru Mwenyezi Mungu alituwezesha kuuvuka salama salmini na sasa tukiwa mwezi huu wa tatu mwaka 2011, ni mwaka kamili toka tupeane michapo katika Blog yetu hii.

Naahidi kwa Rehema zake YEHOVA Mungu wetu, tutaendelea kupeana michapo hapa katika Blog yetu. Huku tukipanua wigo zaidi ya sekta ya michezo pekee, na kwenda kuzunguka kugusa maswala yenye mvuto katika jamii ya Kitanzania.

Michango yenu ya mawazo na mawsali yatakaribishwa sana katika kurasa yetu ya michapo, na kuwekwa hadharani kwa faida ya mafunzo na uwelewa zaidi wa Mtazania.

Pamoja na Blog hii, kuweka hadharani maoni yenu na maswali, pia natarajia kuyajumuisha katika Jahazi letu la jioni kila siku za kazi za wiki na pia Katika "KIBONDE SHOW" seasson two inayokuja hivi karibuni ambayo kama kawaida itakuwa ikiruka hewani mara moja kwa wiki kupitia CLOUDS TV.

Asalaam aleikum na Karibuni nasa tuwe sote.

Ephraim Samson Kibonde.

Deco: Carlo Ancelotti niache niondoke!

2010-03-02T05:06:00.000-08:00

Kiungo wa kimataifa raia wa Ureno DECO, amemtaka Carlo Ancelotti kumruhusu aondoke zake pale darajani, almaarufu kama klabu ya Chelsea.
Hili litakuwa ni pigo jingine kwa "The Blues" baada ya kipigo cha Inter Milan, pamoja na kashfa za nahodha, John Terry na Ashley.

Na hiki ndicho Deco anachosema : "Nataka kurejea Brazil" kwani bado ninahisi kuwa nina uwezo wa kucheza katika kiwango cha juu katika kandanda na la ziada ni kuwa ninatamani kuwa karibu na watoto wangu.

Deco,ambaye sasa ana umri wa miaka thelathini na mbili (32),bado mkataba wake unadai utumishi wake kwa Chelsea kwa mwaka mwingine mmoja.

Hata hivyo anaweka wazi uamuzi wake huo, kuwa angependa utimie baada ya fainali za kombe la dunia.

akiwa ni baba wa watoto wanne, Deco amekuwa ni kiungo muhimu sana katika klabu ya Chelsea chini ya boss Ancelotti, akicheza michezo ishirini na nne (24) msimu huu.
Akionyesha kuwa amekomaa kama mchezaji wa kulipwa, Deco anasema kuondoka kwake kutategemea sana uamuzi wa klabu yake ya Chelsea., ikiwa kama watamuachia aondoke hata kama kwa mkopo.

Flamengo ni moja ya timu ambayo imeonyesha nia ya kumsajili mchezaji huyu wa kireno , Mzaliwa wa Brazil ambaye amepanga kustaafu soka la kimataifa baada ya kombe la dunia.

Promoter FRANK WARREN amzungumzia MIKE TYSON

2010-03-02T03:55:00.000-08:00

MIKE TYSON sasa yuko mbioni kuorodheshwa, kisha kutamkwa kuwa mmoja kati wale walio katika orodha ya mabondia wakuheshimiwa na kukumbukwa duniani.
Huku hili linatarajiwa kutamkwa rasmi baadae mwaka huu tayari baadhi ya wadau wa mchezo wa masumbwi duniani wameanza kulizungumzia, huku wakihoji juu ya uamuzi huo.

Lakini ukweli unabaki pale pale kuwa katika maswala ya masumbwi Tyson ataendelea kustahili milele, kwani bado anashikilia rekodi ya kuwa Bingwa wa Dunia wa masumbwi ya uzito wa juu akiwa na umri mdogo na huo aliupata katika miaka ya 1980.

Pamoja na ubingwa huo, Iron Mike pia amekuwa ni bondia maarufu sana katika historia ya wanamichezo duniani.

Wadau je mnakumbuka enzi za kusubiri masumbwi hadi saa kumi na moja za alfajiri pale Palm Beach hotel....palikuwa panaitwaje tena.....? 'SUGAR RAYS"

Itakumbukwa kuwa baada ya kutumikia kifungo, kutokana na kosa la kubaka, Tyson alirejea ulingoni akiwa na nia moja tu ya kurejesha tena mikanda yake ya ubingwa wa dunia uzito wa juu.

Kipindi hicho kilipita huku mashabiki wa ngumi bila ya kujali atashinda au atashindwa walisubiri kwa hamu mapambano yake.
Nakiri kuwa wachache kati yetu watajisahaulisha yale mapambano mawili ya Tyson dhidi ya Evander Holyfield, kwa nia njema na mbaya.

Inagawa lile pambano alilochapwa na James 'Buster' Douglas miaka ishirini iliyopita kwa hakika, liliusitua ulimwengu na si la kusahaulika.

Kiutamaduni Mike Tyson,ambaye sasa ana umri wa maiaka arobaini a tatu (43),atabaki akikumbukwa sana duniani kwa mengi mazuri na mabaya kuliko mwanamichezo mwingine yeyote katika kizazi tunachoishi.

Sasa basi, kuhoji kwa wadau kunakuja baada ya kuangalia kile ambacho bondia huyu amekuwa akikifanya nje ya ulingo, mmoja wao akiwa ni Promota anayeheshimika sana nchini Uingereza na duniani Frank Warren.

Anasema ameshawahi kukutana na Tyson mara kadhaa na anachoweza kusema ni kuwa bondia huyu, mara nyingine huwa ni mchangamfu sana na utamfurahia lakini wakati mwingine unaweza kuogofywa naye.

Promota huyu anasema yale mabaya yasihesabiwe kwa Tyson na atangazwe kuwa mmoja wa mabondia bora waliowahi kuishi duniani na akahoji kwani Sonny Liston alikuwa malaika?

Wengi wengine waliohoji juu ya Tyson inaonekana wazi kuwa wanamhusisha na kashfa za ngono amabazo zimekuwa zikiwaandama wanamichezo kama John Terry, Ashley Cole na Tiger Woods.

Lakini vyovyote vile jamani katika ulimwengu huu, ni nani ambaye anaweza akasimama na kunyooshea kidole mwenzie kuwa ni mbaya wakati ana ya kwakwe ambayo hayajawekwa wazi tu.

Tyson hakuamka asubuhi na kuwa bondia mkali katika masumbwi, alifanya kazi ya ziada, alijituma akapambana na kufikia kuwa Bondia mdogo kuliko wote kutwaa ubingwa wa dunia uzito wa juu.

Pole Sana Aaron Ramsey!

2010-03-01T01:22:00.000-08:00

Pole sana Aaron Ramsey, unaweza sema ni mpira tu lakini ni kwa nini itokeee kwa wachezaji wa Arsenal tu? je ni umri au lishe duni?

Camp ya England Sauzi

2010-02-22T05:26:00.001-08:00

Vizazi vya England

2010-02-18T05:20:00.000-08:00

Bobaaaaan .....*#&!+!!??!!

2009-12-25T02:12:00.000-08:00

Baada ya kuangalia mchezo wa nusu fainali kati ya Simba na Yanga,kuwania kombe la Tusker, ni wazi kuwa mpiwa wetu umebadilika, na angalau naweza sema unakufanya kuuangalia kwa muda wote wa dakika tisini au 120 kama ulivyomalizika mchezo huo.

Hii labda ni kutokana na kuongezeka kwa wachezaji kutoka nje au pia kupata waalimu wa soka kutoka nje, Lakini la kusikitisha ambalo nadhani pamoja na mbinu za uchezaji ambazo waalimu hawa wamekuwa wakizileta nchini bado narudia tena bado...vijana wetu wanaonekana wazi kukosa elimu ya kuwa mchezaji wa kulipwa na namna ya kujiendesha.

Haruna Moshi "Boban" anavyoitwa hapo juu...huyu kijana hakung'ara sana katika mchezo huo wa nusu fainali hasa katika kipindi cha kwanza, inagawa alijirekebisha na kujipanga vema na mchango wake kuonekana vema hasa baada ya Simba kuwa Nyuma kwa bao 1-0.

Waliposawazish.....saaafi akaendelea kuonyesha mchezo safi na uwezo binafsi wa kumiliki mpira na kufungua mapande ya pasi kwa wenzake, hata wale wanaomsubiri ulaya anakokwenda nasikia hivi karibuni lazima kama walikuwa wakiona mchezo huo uliokuwa ukirushwa kupitia Star TV, watakiri kuwa hapa ni dume wala si garasha.

Lakini heeeeee! we Haruna we Haruna na wenzio wenye tabia kama yako.....ghafla anafanya baalaa karibu na mwamuzi wa pembeni katika dakika thelathini za nyongeza...Mwamuzi anaitwa na anapewa kadi nyekundu moja kwa moja.

Kiungo ya Simba inakufa nguvu na Simba wanaishia kufungwa bao 2-1. Huu nadiriki kutamka kuwa ni mzigo wako Haruna, Hivi umeshamwangalia Shadrack Nsajigwa anavyocheza na nidhamu aliyo nayo uwanjani...Hebu iga kidogo....nje hasa ulaya hawana muda na wachezaji ambao ni watovu wa nidhamu na kusababisha timu kupoteza michezo kwa hasira zao au midomo yao "kutopigwa mswaki"

Nakutakia kila la heri unapokwenda Ulaya lakini kadi nyekundu dhidi ya Yanga iwe fundisho kwako, kwani maelfu kama si mamilioni ya wapenzi wa klabu yako ya Simba walioshuhudia mchezo wa jana hawakutarajia kuona ukifanya maamuzi ya kitoto kama yale na kukabidhiwa kadi nyekundu.

Ngumi hasira matusi na ugomvi vinakubalika sana katika masumbwi, kama unahisi huku ndiko saaafi basi karibu tukuandalie pambano na Bingwa wa Dunia Francis Cheka ambaye hana mpinzani kwa sasa.

Ati, Marcio Maximo hafai?....Acheni hizo..Sisi ndio hatufai!

2009-12-21T06:13:00.000-08:00

Asalaam Aleikum ndugu zangu hapo mlipo,

Nilikuwa mapumzikoni katika likizo fupi na kuamu8a kukaa mbali na mawasiliano ya kisasa na kujihusisha zaidi na mawasiliano asilia ya ana kwa ana.

Katika kipindi hiki nimekutana na watu wengi ya jamii, jinsia na fani tofauti tofauti na kutoka kwao nimejifunza mengi sana. nawashukuru wote ambao tulipata wasaa wa kuketi pamoja na kuzungumza.

Sasa basi jambo ambalo napenda kuchukua wasaa kulizungumzia leo ni la Kocha wa Timu yetu ya taifa ambaye bado asilimia kubwa wa mashabiki wanadai hafai na aondoke....yaani ni huyu Marcio Maximo. Ukweli kabisa ninaheshimu sana fikra zao na maoni yao!

Kwa upande wangu bado naendelea kuweka msimamo kuwa kudai kuwa Maximo hafai, tunakosea sana sana sana...kwani naona ni sisi ndio ambao hatufai.

Sababu kuu ya msingi ya kudhubutu kusema kuwa sisi ndio hatufai ni kutokana na kuendelea kuishi bila ya mifumo ambayo inatuongoza na kutulazimisha kuweka mipango endelevu ya miaka mingi ya baadae kwa manufaa ya nchi yetu ninayoipenda sana Tanzania.

Na hili halianzii kwenye soka, nina imani kubwa kuwa linaanzia katika ngazi za juu zaidi, za uongozi mzima wa maswala ya michezo. Tumeendelea kukosa muelekeao wa kujenga mfumo ambao utakuwa ukituongoza kwa kujiwekea mipango endelevu na kuruhusu wadau wanaostahili kuhusishwa katika utekelezaji wa mipango ya baadae ya michezo.

Hebu jaribu kumuuliza kiongozi yeyote wa michezo au mwanamichezo yeyote ana mipango gani katika miaka kumi ijayo......Niamini mimi asilimia 95 na kama si 98 watajibu kuwa hawana uhakika ama kutojua kbisa nini wanacholenga katika kipindi hicho.

Sasa unapoleta Mwalimu wa kimataifa unayempa majukumu ya kututafutia kikosi kitachoweza kututoa kimasomaso kucheza kombe la mataifa ya Afrika ama kombe la dunia halafu anakutana na vijana ambao hawajui hata masimu huu wa ligi ukiisha wanapaswa kufikia malengo gani binafsi.....Tunamuonea Sana Sana Sana Maximo.

Lakini pia unafahamu kuwa pamoja na kujua unapopaswa kwenda ni vema sana ukajua ulikotoka, sasa fanya kama ulivyofanya awali waulize hao wanamichezo wanakumbuka ni kipi walichokifanya ambacho kinaacha alama kuwa walishawaki kuwepo katika tasnia ya Michezo.....Mama yangu...asilimia itakuwa ni ile ile ambayo tumekuwa nayo juu ya kutokuwa na jibu lolote la maana.

Sasa hebu jamani ...tufikirie mara mbili ukiwa na wachezaji ambao wanakosa mambo haya mawili ya msingi maishani....Si mzigo huo?

Ukiyakosa haya mawili ni wazi kuwa unakuwa ni mtu ambaye yupo yupo tu....na ukiwa wa aina hiyo ni hatari kwako mwenyewe binafsi na kwa taifa zima kwa ujumla pale tunapolazimika kukutumia katika maswala ya kitaifa.

Nadiriki kusema leo hii kuwa kwa wachezaji hawa ambao tunao sasa ambao wanaibuka kama uyoga na kuyeyuka kama barafu juu ya moto......Hata kama tukiletewa Dunga, Maradona Fabio Capello na mwingine yeyote yule duniani tutaishishia kulalama tu kuendeleaza kazi ambayo wengi wetu tunaipenda ya kuchafua majina ya wenzetu bila kutafuta chanzo..

Tuunde mifumo dhabiti kwanza halafu tuthubutu kusema, wewe tuliyekupa majukumu ya kutupeleka kule, unatupotosha, hutufai na Uondoke.

Naamini Mheshimiwa Rais Jakaya Mrisho Kikwete alipomleta maximo baada ya TFF kushindwa kufanya kazi hiyo hata baada ya yeye kusema atamlipa mshahara alikuwa na nia ya kutaka kocha huyu wa kigeni atusaidie katika hili la kuunda mfumo safi ya kuendeleza soka.....Lakini wale ambao tumewapa majukumu ya kusimamia soka badala ya kushirikiana nae na kutumia alichonacho kichwani Maximo, wamegeuka kuwa maadui wake wakubwa ... wakidai ati, ati, ati, ati kama na wao wangekuwa wakilipwa kama yeye wangeweza kuleta mabadiliko.........Ukweli nawaambia leo hii hawa ni watu wa kuwaogopa kama ukoma!

Kule nchini hispania nako kuna shughuli pevu........

2009-11-27T07:56:00.000-08:00

Pale Camp Nou jumapili hii kutakuwa na shughuli katika mpambano ambao utadhihirisha ni nani zaidi katika safu ya kiungo ya wababe wawili wa nchini Hispania. Barcelona pamoja na kuwa na Xavi na Iniesta, lakini naamini wanatamani sana Margenitan Lionel Messi awe katika afya njema na aweze cheza tena kwa kiwango watakapokuwa wakikapiliana na Real Madrid.

Real madrid nao pamoja na kuwana akina Kaka' pale katikati na Diara, bado kumekuwa na upungufu asipokuwepo Cristiano Ronaldo. Wiki hii yupo na natarajiwa kuisaidia klabu yake kutafuta ushindi ambao utawawezesha kuongoza ligi kwa tofauti ya pointi nne. Pamoja na kuwa ametoka kuwa majeruhi, Ronaldo amepania kuonyesha uwezo wake jumapili hii.

Michezo mingine itakayochezwa katika ligi ambayo mimi nadiriki kusema kuwa ni ligi bora barani Ulaya kwa sasa, ligi ya Hispania "La Liga" ni kama ifuatavyo....

Jumamosi tarehe , 28 November 2009

Sevilla v Malaga
Sporting Gijon v Villarreal
Valencia v Mallorca

Jumapili tarehe , 29 November 2009

Almeria v Athletic Bilbao

Atletico Madrid v Espanyol
Barcelona v Real Madrid

Getafe v Xerez

Racing Santander v Deportivo La Coruna
Real Zaragoza v Osasuna

Valladolid v Tenerife

Ratiba ya Mechi za ligi England mwisho wa wiki hii...

2009-11-27T07:25:00.000-08:00

Arsenal kwa sasa wanakabiliwa na majeruhi wengi katika timu yao baada ya kucheza klabu bingwa barani ulaya, lakini wataingia katika mchezo wa "Baptisim of fire" wanapokutana na majirani zao wa mjini London,Chelsea. Hii shughuli ni jumapili hii ..saa moja kamili za usiku kwa saa za Afrika mashariki.........Edward Urio upooooo? Jerome Francis Upoooooo?........

Hawa jamaa hapa juu wako fiti sana katika kipindi hiki na Emmanuel Eboue wa Arsenal anawahofia hasa ndugu yake waliyetoka naye kumoja Didie Drogba. Ila jumapili ndipo itakapofahamika nani mkali, kati ya Vijana wadogo kiumri wa Wenger au Wazee wa Mzee Anchelotti.

Michezo mingine inayochzwa mwisho wa wiki hii kuanzia hapo kesho .....

Jumamosi hii tarehe , 28 November 2009
Aston Villa v Tottenham, 02:30
Blackburn v Stoke, 12:00
Fulham v Bolton, 125:00
Man City v Hull, 12:00
Portsmouth v Man Utd, 12:00
West Ham v Burnley, 12:00
Wigan v Sunderland, 12:00

Jumapili tarehe , 29 November 2009
Arsenal v Chelsea, 01:00
Everton v Liverpool, 10:30
Wolverhampton v Birmingham, 09:00

Hivi kweli, kweli, kweli kabisa...Tunathubutu kusema Maximo hatufai?

2009-11-20T04:08:00.000-08:00

Marcio Maximo kocha Mkuu wa Taifa Stars

Nakumbuka wazi kabisa ilikuwa ni mkai mitatu iliyopita wakati Kombe la dunia lilipokuja nchini Tanzania kwa mara ya kwanza na baada ya hapo ndipo rais wa Jamuhuri ya muungano wa Tanzania aliweka wazi kuwa waalimu wa Tanzania wa soka, tumewajaribu wote lakini hawakuwa na manufaa ya maendeleo ya soka kwetu na akaelezea nia yake ya kujitolea kugharamia kumpata na kumlipa mwalimu wa soka kutoka nje,lakini akawapa TFF nafasi ya kutafuta kocha, jambo ambalo hawakulifanya kwa kasi inayostahili na ndipo akapatikana kocha huyu kutoka Brazil.

Toka kuja kwake Maximo, tumeshuhudia mabadiliko makubwa ya soka na mwamko wa hali ya juu wa mashabiki wapenda soka ambao kila mara timu yetu ikicheza huwa tunajaa uwanjani kwa sababu tunakuwa na matumaini ya kushinda....kitu ambacho hakikuwepo zamani.

lakini nashangaa sana leo kuna wanaothubutu kudai kuwa Maximo hafai... wanatoa wapi maneno haya? Huyu kocha amediriki kufanya kazi ambayo si ya kocha wa timu ya taifa, kwa kuwafundisha soka nidhamu na namna ya mchezaji anavyopaswa kujiendesha kimaisha, wakati haya yalipaswa kufanywa na vilabu vyetu wenyewe.

lakini kama tunavyofahamu vilabu vyetu havina mipango yoyote, bali vimekuwa ni pango la wenye njaa na wenye ubinafsi wa hali ya juu ambao nia yao ni kutaka kujiendeleza na kujitajirisha na si kukuza soka.

Lini tumesikia vilabu vikifanya mpango wa kuanzisha shule za watoto za soka....haijawahi kutokea.

Lini tumesikia vilabu vikiwatafutia mafunzo ya kiwango cha kimataifa makocha wao hata wasaidizi......sikumbuki.

lini tumesikia vilabu vyetu vikiweka mikakati ya kupata viwanja binafsi vya soka.....hawajawai kuota.

Lini tumesikia......yaani tunaweza endelea hivi mpaka asubuhi, ninyi ambao mnataka kmbeza Maximo leo, hebu toeni vibanzi katika macho yenu kwa kuwashambulia wale wanaoongoza vilavu mnavyovipenda ili vibadilike na kutupeleka kwenye soka la kisasa na lenye maendeleo, huku mkimpatia msaada wa mawazo Maximo pale mnapohisi ameteleza kama binadamu wengine.

Nanyi makocha mnaopiga kelele pembeni ...kuwea mwenzenu hafai tunaomba CV zenu kwanza tuone mafanikio yenu kimataifa...halafu muongee.

Mnabishaaaaaaaaaa.....???

2009-11-19T00:30:00.000-08:00

Asalaaaaaam Aleikum wadauuuuu........The Duniazzzz Kombe na Mie ndani ya Jumbazz!

Kama wangepiga picha kwenye uwanja wao wangependeza sana...

2009-11-17T04:25:00.000-08:00

Pamoja na mafanikio makubwa ya uwanjani ya Simba Sports Club, mimi binafsi nadhani wakati umepita sana sasa kwa klabu kubwa kama hii kuendelea kuendeshwa kienyeji bila ya mipango iliyo dhahiri ya kimaendeleo.

Mfano mkubwa ukiwa ni pale ambapo kwa miaka yote klabu hii imedumu, sikumbuki ikimiliki uwanja wake binafsi, sasa kama uwanja ni kigezo kikubwa cha kucheza soka na klabu kubwa kama Simba haina hicho na sijasikia mipango ya hivi karibuni wakipanga hayo yafanikiwe....Utawazungumziaje?

Halafu tunasema wachezaji wetu hawana bahati kucheza nje.....hayo mafunzo ya kutoka utotoni wanayapata wapi kama sio vilabu kama Simba vinavyotakiwa kuwajenga kutoka utotoni kupitia vilabu vyao vyenye miundo mbinu ya kisoka ya kisasa?

Ohhh maximo hatufai....wachezaji apate wapi...wakati wanakamatwa kamatwa mitaani wakisha komaaa?

Umanja mpya wa Tottenham Spurs

2009-11-17T04:21:00.000-08:00

katika pitapita za Michapo, tukakutana na uwanja mpya ambao Spurs wanatarajiwa kuujenga, na sasa tayari wametamka kupata faida kubwa kimapato kuliko klabu nyingine kwa sasa.

Viongozi wa ligi kuu ya soka ya Vodacom SIMBA SPORTS CLUB, Kwa pale Msimabazi uwanja wenu mnaujenga kwa wapiiiiiis...tupeni maphotoss!

Carles Puyol :- "Cesc Fabregas mbona wakwetu!"

2009-11-17T03:05:00.000-08:00

Nahodha wa Barcelona Carles Puyol akiwa na moja ya
makombe matatu waliyotwaa msimu uliopita

Beki wa kutumainiwa wna nahodha wa timu ya Barcelona Carles Punyol, amekuwa mwanamichezo mwingine kutoka mjini Barcelona kutamka hadharani kuwa aatakuwa na shangwe kubwa ikiwa kama nahodha wa Arsenal, Cesc Fabregas atajiunga pale Camp Nou.

Matumaini na tetesi zilizozagaa kuwa kuna uwezekano mkubwa wa Fabregas kujiunga nao hazitofautiani sana na mipango ya rais wa Barcelona Joan Laporta na wachezaji wenzie wa timu ya taifa ya hispania Gerard Pique na Xavi ambao wote wanaona mrejeo wa kiungo huyu mweye umri wa miaka 22 kwenye klabu yake ya zamani.

Akimzungumzia Fabregas, Punyol anasema pamoja na maoni yao, lakini wanmuachie yeye aamue,pamaja na kuwa wao wanamuona kuwa ni mchezeji mwenye thamani kubwa na mmmoja wa wachezaji bora dunaini na la zaidi ni kuwa anaifahamu sana klabu yao ya barcelona kwani aliwahi kucheza hapo.

Scholari yuko Uzbekistan ...laini analipwa mijihela..Real madrid wamtamani.

2009-11-17T02:39:00.000-08:00

Luiz Felipe Scolari

Maafisa wa timu ya Real Madrid kwa sasa inasemekana kuwa tayari wanafanya mipango ya kusaini mkataba na aliyewahi kuwa Kocha wa Brazil,Ureno na Chelsea,Luiz Felipe Scolari, tayari kushika wadhifa wa Umeneja pale Santiago Bernabeu.

Kwa sasa huyu Bwana ni mwalimu wa mpira akifundisha klabu bingwa ya Uzbekistan Bunyodkor, ambako unaweza jiuliza kafuata nini? Lakini ndiye kocha anayelipwa kuliko wote duniani akipokea jumla ya Euro milioni ishirini kwa mkataba wa miezi kumi na nane.
Kuwasili kwake mjini madrid kunasemekana kutaleta faraja kubwa kwa Cristiano Ronaldo, ambaye waliwahi kufanya nae kazi akiwa mwalimu wa Ureno.

Pia imefahamika kuwa Ronaldo amekuwa hafurahishwi na kitendo cha kujirudia cha Pellegrini kumtoa uwanjani dakika za mwisho.
Sasa basi kutokana na Manuel Pellegrini, kuwa katika hali tete huku mchezo wa tarehe 29 novemba dhidi ya barcelona ukiwa ni mtihani wake wa mwisho, basi Mbrazil Scolari mwenye umri wa miaka 61,anatarajiwa kuwa kocha wa kumi na moja katika klabu hiyo tangu kuanza kwa karne hii.

Akiondoka Torres ....haki ya nani ntaondoka!

2009-11-17T02:00:00.000-08:00

Rafael Benitez akijaribu kufanya mipango

Meneja wa timu ya Liverpool, Rafael Benitez ameweka wazi kuwa atakuwa tayari kuondoka pale Anfield ikiwa kama nyota wake mshambuliaji Fernando Torres atauzwa bila ya idhini yake.

Haya yanafuatia hali ya kiuchumi katika klabu hiyo ambayo wengi sasa wanadhani kuwa wamiliki wa klabu hiyo Tom Hicks na George Gillett watashawishika kumuuza mshambuliaji huyo ikiwa kama ofa kubwa itakuja.

Hata hivyo kwa upande wake Benitez anadai kuwa kwa mamlaka yake mshambuliaji huyo hatouzwa kwa gharama yoyote, na kama ikitokea hivyo, basi yupo tayari kujiuzulu.

Katika msimu uliopita Liverpool ilitumia kiasi cha paundi za Uingereza milioni £20, kumleta Anfield, Alberto Aquilani jambo ambalo linaonekana kuwa ni matumizi makubwa, na Benitez anasema kwa jinsi hali ilivyo kiuchumi, hawezi kushindana na timu kama Manchester United na Chelsea katika kipindi cha usajili.

Akitete usajili wake, Benitez anasema "pale walipolazimika kutumia fedha, basi usajili wao umekuwa na mafanikio na akatoa mfano wa usajili wa Torres, Javier Mascherano, Pepe Reina na Xabi Alonso.

Kwa usajili wa Robbie Keane, mhispania anasema huyo ni mshambuliaji mzuri,ila walilazimika kumuuza kutokana na kushindwa kuwaridhisha na kiwango walichokitarajia.
Ryan Babel, kwa huyu anasema alisajiliwa kwa mipango ya baadae na sasa bado wanaendelea kumshinikiza akaze msuli ili apate nafasi katika kikosi cha kwanza.

Kwa sasa Liverpool bado inasuasua katika ligi kuu ya England ikiw imesimama katika nafasi ya saba kwenye msimamo wa ligi, baada ya kupoteza michezo mitano katika ligi hiyo msimu huu.
Najua wapenzi wana wasiwasi..anasema Benitez lakini amewataka wawe na subra kwani timu itakuwa sawa na matokeo yatawaridhisha.

Capelloooo..., Beckham ni muhimu kwenye safari ta Sauzi - Kaka

2009-11-16T04:49:00.000-08:00

David Beckham akiwa na wachezaji wa Ac Milan Msimu uliopita.

Kiungo wa kimataifa wa Brazil Kaka anaamini kuwa ikiwa kama anataka mafanikio zaidi katika timu ya taifa ya England, Fabio Capello, itampasa amuoneze nyota wa Uingereza David Beckham katika kikosi cha England kitakachofanya safari ya Sauzi.

Beckham alikuwa na mchango mkubwa wakati England ikitafuta nafasi ya kufuzu kwenda Sauzi, inagawa kwa sasa hana uhakika kamili ikiwa kama atakuwepo kwenye kikosi cha wachezaji 23 wanaokwenda Kusini mwa Afrika, na Mchezaji mwenzie wa AC Milan mapema mwaka huu anampigia chapuo kuwa ni mchezaji muhimu kujumuishwa katika kikosi hicho.

Kaka anamwagia misifa BEKS kwa kusema "David Beckham ni mmoja wa wachezaji wenye akili sana ambao nimewahi kucheza nao" anasema Kaka. Na kaendelea kusema, "Ninafurahi kuwa anarejea Milan inagawa mimi sipo huko.

Kaka anafafanua furaha yake ya kuona Beks anarejea Milan, akisema ''Kwa Milan ni uamuzi wa busara kumrejesha kwani ni wa muhimu sana kwao kama alivyokuwa msimu uliopita, hata hivyo anaendele, hata kwake Beks Milan ni muhimu kwake kucheza ili kujiweka fiti kwa kombe la dunia.

Mercedes wainunua timu bingwa ta dunia Fomulae One

2009-11-16T04:42:00.000-08:00

Gari ya Brawn Mercedes ikiwa barabarani.

Kampuni kubwa ya magari nchini Ujerumani Mercedes imeinunua timu inayoshiriki katika mashindano ya magari yaendayo kasi ya Brawn,Kutokana na manunuzi haya, sasa Bingwa wa dunia Jenson Button anatarajiwa kuungana na Bingwa aliyepita Muingereza mwenzie aliyewahi kuendesha na timu ya McLaren, Lewis Hamilton katika timu moja.

Mercedes inanunua hisa kubwa za timu hiyo ambazo inafahamika kufikia asilimia 75%. Pamoja na kununua hisa katika Brawn bado inafahamika kuwa Mercedes itaendelea kuhudumia timu ya McLaren' kwa kuipatia engine.

Robin van Persie nje wiki sita...Safu ya mashambulizi Arsenal yayumba!

2009-11-16T04:23:00.000-08:00

Van Persie baada ya kuumia.

Arsenal angalau sasa watakuwa wanapumua, haswa baada ya kufahamu kuwa kiungo wao mshambuliaji Mdachi Robin van Persie atalazimika kukaa benchi kwa wiki sita tu na si zaidi hapo kama wengi walivyodhani, kufuatia kuumiza kifundo chake cha mguu.
Hapo awali ilidhaniwa kuwa Mdachi huyo ambaye tayari amecheka na nyavu mara nane katika michezo kumi na tano iliyopita ya Arsenal msimu huu, angepaswa kulikalia benchi kwa muda mrefu zaidi.
Akiwa na umri wa miaka 26, Van Persie anatarajiwa kurejea mjini London kuendelea na matibabu, ambayo yatamfanya akose michezo muhimu ya ligi ukiwemo ule wa arsenal na Chelsea mwishoni mwa mwezi, na safari ya kwenda Liverpool tarehe kumi na tatu mwezi ujao, pamoja na michezo ya mfululizo katika kipindi cha Christmas.
Van Persie alidumu kwa dakika 15 , wakati Uholanzi ilipokuwa ikicheza na Italia katika mchezo wa kirafiki jumamosi iliyopita. Maumivu yake yalifuatia kukwatuliwa na na mchezaji Giorgio Chiellini.
Sasa basi kutokana na mshambuliaji Nicklas Bendtner naye kupigwa benchi kwa wiki kadhaa baada ya kufanyiwa upasuaji kazi ya kusimamia safu ya mashambulizi sasa anaachiwa Eduardo ambaye toka msimu huu uanza ameanzishwa kumi na moja ya kwanza mara tatu tu msimu huu.

Rooney kuuvaa Ukaputain Kesho, England Vs Brazil

2009-11-13T05:23:00.000-08:00

Tegameo la kutokuwepo kwa wachezaji wanaostahili kupewa nafasi ya unahodha na Kocha Fabio Capello, yaani John Terry, au msaidizi wake Rio Ferdinand, ni wazi kuwa mshambuliaji wa Manchester United Wayne Rooney ndiye anayepewa nafasi kubwa zaidi za kutwaa unahodha wa timu ya taifa ya England hapo kesho itakapokuwa ikicheza na Brazil katika mchezo wa kirafiki.
Katika mchezo wa kesho Englad itaingia uwanjani bila ya manahodha hao, pamoja na Steven Gerrard, na nahodha wa zamani David Beckham. Huku taarifa nyingine zikieleza kuwa golikipa David James, mshambuliaji Emile Heskey na Ashley Cole nao hawatacheza hapo kesho.
Ikumbukwe mara tu baada ya kuchaguliwa kuwa kocha wa timu ya England ,Capello aliwahi kudokeza kuwa ipo siku Rooney atakuja kuwa nahodha wa England.

Kocha Byron Scott atimuliwa NBA.

2009-11-13T05:00:00.001-08:00

Ni wa zi kuwa hali ilikuwa ni ngumu sana katika chumba cha kubadilishia cha wachezaji wa timu ya New Orleans Hornets hasa walipotakiwa wiki hii kucheza michezo ya mfululizo ndani ya Staples Cetre wakikutana na timu za mjini Los Angeles ambazo ni Lakers na Clippers.

Inasemekana kila siku ya mchezo ubao wa kufahamu nani anaanza katika kikosi cha kwanza uliowa wazi huku kila mmoja akiwa hana uhakika wa kuanza katika kikosi cha kwanza.

Hii ni wazi ilikuwa ni dalili ya kuporomoka kwa kujiamini kwa timu nzima na Mwalimu wa timu hiyo Byron Scott akionekana kutapatapa akitafuta suluhisho la matatizo yake.

Scott alijikuta akibadilisha orodha ya wachezaji wake watano wa mwanzo katika michezo miwili mfululizo akilazimika kumuweka benchi Morris Peterson na Julian Wright na kuwaanzisha Devin Brown na Peja Stojakovic.

Hata alipohojiwa kwanini alifanya mabadiliko hayo Scott akasema huo ni mwanzo tu mabadiliko zaidi yatafuata. Lakini sasa imefahamika kuwa mabadiliko hayo zaidi hayatafanywa tena na Scott, baada ya timu hiyo ya Hornets kumfukuza kazi na badala yake kumpa kazi hiyo Meneja Mkuu wa timu hiyo Jeff Bower.

Mabadiliko haya yanatoa nafasi kwa aliyekuwa kocha kabla ya Scott, Tim Floyd kurejea kazini, lakini sasa akiwa kama kocha msaidizi.

Sir Alex Ferguson aadhibiwa na FA

2009-11-12T07:12:00.000-08:00

Sir Alex Ferguson, amepewa adhabu ya kutokaa kwenye benchi la timu yake kwa michezo minne na hii ni kutokana na kauli alizotoa juu ya mwamuzi Alan Wiley,baada ya mchezo wao Manchester United waliotoka sare na Sunderland.

Hata hivyo adhabu hiyo inampa nafasi Fergie kuitumikia kwa michezo miwili sasa na michezo mingine baadae karibu na mwisho wa msimu.

Pamoja na hilo,kauli ya Fergie kuwa Wiley hayuko fiti kuchezesha mpira inamgharimu faini ya paundi za uingereza £20,000.

Nani ambwatukia "Babu" yake Fergie

2009-11-12T03:50:00.000-08:00

NANI ni wazi kuwa inawezekana akawa amejiweka matatizoni,na siku zake za kucheza manchester United zinaweza zikawa zinahesabika,baada ya jana usiku kubwatuka kwa hasira juu ya namna Mzee Fergie anavyoiongoza Old Trafford.

Ni wazi kuwa kijana huyu mwenye umri wa miaka 23, sasa yamemfika shingoni, na jana alitoa sababu za kumfanya aamue kusema hadharani yanayomsumbua moyoni:
· Anasema amechoshwa na tabia ya Fergie.
· Anasema amechoshwa na anakerwa sana na tabia ya kutopangwa katika kikosi cha kwanza katika michezo muhimu timu yao inayokabiliana nayo.
·Pia anasema anshangwazwa na ahadi alizoahidiwa kutotekelezwa.

Kwa upande mwingine Nani, anasema hakubaliani na kabisa na jinsi Fergie anavyoipanga timu yao, na kwa yeye kuendelea kuwekwa benchi, kunafanya tabia ya kutojiamini iendedelee kujengeka moyoni mwake.

Hata hivyo anasisitiza kuwa hana mpango wa kuihama klabu United, hata hivyo anasema baada ya kubwatuka kwake sasa ni wazi kuwa anafahamu hatma yake ipo mikononi mwa Fergie.

Kwa namna nyingine Nani anasema Fergie hana nidhamu, kwa sababu amekuwa ni Meneja anayewatukana wachezaji wake hadharani na anasema wanaopokea matusi makubwa zaidi na mara nyingi zaidi Ryan Giggs na Gary Neville kutokana na kuwa wachezaji wakongwe.

Mara zote wachezaji wa Uinted wanapokwenda kinyume na Ferguson hujikuta wakilazimika kuondoka Old Trafford.

Mmoja wao alikuwa ni beki wa kutumainiwa wa kidachi Jaap Stam ambaye baada ya kutoa kitabu cha maisha yake ambapo kuna sehemu alizungumzia juu ya namna ya yeye alivyojiunga kiujanja ujanja United alijikuta akilazimika kuuzwa Lazio kwa gharama ya paundi za Uingereza Milioni 16.5.

Miaka miwili baadae , David Beckham naye alilazimishwa kufungasha virago na kwenda Real Madrid baada ya kutoelewana kati yake na Fergie kutangazwa kwenye vyombo vya habari.

Unajua hata nahodha wake wa zamani, Roy Keane alilazimika kuondoka Oldtrafford mwezi December 2005 kwenda kujiunga na klabu ya Celtic huku akiwa amebakiza miezi sita ya kumaliza muda wake baada ya kushutumu uchezeshwaji na uchezaji wa timu yao, jambo lilimfanya Fergie avimbe.

Oscar de la Hoya amtwanga Shaquille O'Neal!

2009-11-12T03:27:00.000-08:00

Pamoja na kuwa tayari amekwisha staafu masumbwi OSCAR DE LA HOYA jumanne wiki hii alirejea ulingoni kupambana na jitu kubwa linalocheza mchezo wa mpira wa kikapu katika ligi ya NBA, Shaquille O'Neal.

Pambano hili lilikuwa ni sehemu ya kipindi cha Michezo cha televisheni cha O'Neal,mjini Las Vegas.

Na katika pambano hilo lililochezwa kwa raundi tano, Golden Boy kwa taabu alifanikiwa kutoka na ushindi wa pointi.

Golikipa wa Ujeruamani Ajiua!

2009-11-11T07:16:00.000-08:00

Aliyekuwa akitarajiwakusimamia milingoti mitatu ya goli la Ujerumani kama golikipa namba moja Robert Enke, amejiua, kutokana na sababu zinazotaja kuwa ni kukumbwa na mshuko wa moyo(Stress).

Polisi mjini Hannover ambako Enke alikuwa akidakia timu inayoshiriki katika Bundesliga, Hannover 96,wamethibitisha kuwa golikipa huyu alifikia maamuzi binafsi ya kujiua.

rafiki wa karibu wa Golikipa huyu na mshauri Jörg Neblung, amethibitisha kuwa rafiki yake amejiua, huku polisi ikitoa taarifa kuwa imefanikiwa kuupata ujumbe wa mwisho wa golikipa huyo ambao unathibitisha kutimiza azma yake ya kujiua.

Kulingana na Polisi hao, golikipa huyo alikufa papo hapo baada ya kuamua kwenda kusimama juu ya reli wakati treni ikija iliyokuwa ikimbia mwendo wa maili 100 kwa saa.

Rais wa klabu ya Hannover 96, Martin Kind, anasema kipa huyo pamoja na kuwepo katika mchezo waliotoka sare ya bao 2-2 na Hamburg, mwishoni mwa wiki iliyopita,bado alikuwa akionekana kutotulia.

Gari la enke lilipatikana pembezoni kidogo mwa reli huku pochi yake ya kuhifadhia fedha ikikutwa juu ya mija ya viti vya gari hilo.

Hasheem Thabeet avunjika taya!

2009-11-11T05:00:00.000-08:00

Mchezaji wa kati wa timu Memphis Grizzlies Hasheem Thabeet amevunjika taya lake la chini hapo jana, alipokuwa akiitumikia timu yake ilipokuwa ikicheza na Portland Trail Blazers, mchezo amabo ulimalizika kwa Blazers kutoka na ushindi wa pointi 93 kwa 79.

Hii sasa inamaanisha kuwa Hasheem hatokuwemo kwenye msafara wa timu yake ya Grizzlies itakapokuwa ikienda kucheza na Houston Rockets usiku wa leo.

Hata hivyo habari si mbaya sana za kuumia kwake kwani baadaya ya uchunguzi wa madaktari imefahamika kuwa, hatohitaji upasuaji, ili kutibu maumivu na wakasema anatarajiwa awe amepona si muda mrefu sana kuanzia sasa, na ni wazi kuwa hii ni taarifa njema ambayo Thabeet atakuwa amefurahishwa nayo, timu yake na Watanzania kwa ujumla.

Hasheem aliumia baada ya kugongana na mchezeji mwenzie Zach Randolph.

Hawa ndio waamuzi wa ligi kuu ya England....na umri wao ndio....huooooo

2009-11-11T04:53:00.000-08:00

Alan Wiley ana umri wa miaka 48 na bado yumo katika uchezeshaji wa ligi kuu ya soka ya Uingereza.Alianza kuchezesha ligi hiyo mwaka 1999. Mchezo aliochezesha wenye hadhi ya juu na wenye kukumbukwa sana ni ule uliochezwa tarehe 13/05/2006 pale Liverpool ilipocheza na West Ham United nadani ya Wembley.

2009-11-11T04:51:00.000-08:00

Howard Webb akiwa na umri wa miaka 37 sasa,ni maarufu sana ulaya, kwani pamoja na kuchezesha ligi kuu ya soka ya Uingereza, alikuwa mwamuzi wa Euro 2008 na alipata nafasi ya kuchezesha hatua ya mtoano.

2009-11-10T08:15:00.000-08:00

Uwanja wa Molineux ndio mara ya kwanza kwa Peter Walton kuchezesha ligi kuu ya soka ya Uingereza ambapo Wolverhampton Wanderers waliichapa Leicester City bao 4-3,ilikuwa ni tarehe 25/10/2003. Mwamuzi huyu sasa ana umri wa miaka 48.

2009-11-10T08:12:00.000-08:00

Huyu ni mwamuzi wa Fifa kwa sasa,alianza kuchezesha soka katika ligi kuu ya uingereza, mwaka 2007,jina lake ni Steve Tanner na umri wake ni miaka 37.

2009-11-10T08:05:00.000-08:00

Rob Styles ana umri wa miaka 44, tarehe 19/08/2007 mwamuzi huyu alifanya maamuzi amabayo meneja wa Liverpool Rafael Benitez alisema haamini macho yake,huu ulikuwa ni mchezo kati yao Liverpool, wakicheza dhidi ya Chelsea na Rob akawazawadia penati ya utata Chelsea.

2009-11-10T08:00:00.000-08:00

Keith Stround,ana umri wa miaka 38 na alianza kuchezesha ligi mwaka 2007 alipopewa mchezo wa kumjaribu, wakati Middlesbrough ilipocheza na Manchester City ndani ya River Side.

2009-11-10T07:51:00.000-08:00

Anasimama akiwa mwamuzi aliyedumu katika ligi kuu ya soka ya England kwa muda mrefu sasa, Mike Riley alianza kuchezesha ligi mnamo mwaka 1996,aliwahi kumtimua kikaragosi wa timu ya Kingsley Royal nje uwanja tarehe 30/04/2007, alipoendelea kubiiishaaa kusimama karibu na uwanja walipokutana na Newcastle. Mike Riley ana umri wa miaka 43.

2009-11-10T07:48:00.000-08:00

Alipochezesha kwa mara ya Kwanza Lee Mason, tarehe 4/02/2006, Middlesbrough walichapwa bao 4-0 ndani ya Uwanja wa nyumbani na Aston Villa. Sasa umri wake ni miaka 36.

2009-11-10T07:44:00.000-08:00

Huyu ndiye aliyepuliza filimbi ya twende kati mara nne, wakati Charton Athletic ilipoinyuka Norwich City bao 4-0.Huu ulikuwa ni mchezo wake wa kwanza tarehe 13/11/2004, Jina lake ni Andre Marriner na ana umri wa miaka 37.

2009-11-10T07:42:00.000-08:00

Msimu uliopita tu ndipo alipoanza kuchezesha soka la ligi kuu ya Uingereza, Michael Jones ana umri wa miaka 40.

2009-11-10T07:38:00.000-08:00

Mechi yake ya kwanza ya ligi kuu ya soka ya Uingereza, ilikuwa na matokeo ya sare ya bao 1-1, pale Wimbledon ilipokutana na Coventry City tarehe 14/08/1999.Ana umri wa miaka 47 sasa na jina lake ni Mark Halsey.

2009-11-10T07:31:00.000-08:00

47, ndio umri wake,jina lake ni Chris Foy, alishawahi kumwondoa kikaragosi wa Fulham Billy the Badger katika uwanja kutokana na kuamua kucheza mtindo wa Breakdance walipokuwa wakishinda bao 2-1 dhidi ya Aston villa. Amekuwemo kwenye ligi tangu 2001.

2009-11-10T07:25:00.000-08:00

Umri wake ni miaka 45,anakumbukwa sana kwa kutupiwa lawama kubwa na aliyewahi kuwa Meneja wa Wigan wakati huo Paul Jewell na mmiliki wa klabu Dave Whelan kutokana na kushindwa kuchezesha ipasavyo wakati klabu yao ilipocheza na Arsenal ndani Emerates tarehe 11/02/2007. Jina lake ni Phil Dowd na amekuwemo katika ligi tangu mwaka 2001.

2009-11-10T07:21:00.000-08:00

Michael Dean yupo ndani ya soka la juu ya England akiwa mwamuzi tangu mwaka 2000, Sasa ana umri wa miaka 40, amekuwa akishutumiwa sana kuwa shabiki mkubwa na mwenye mapenzi kwa timu ya Liverpool,kutokana na yeye Kuwa na asili ya ujirani na Makao makuu ya Klabu hiyo.

2009-11-10T07:17:00.000-08:00

Jiana lake ni Mark Clattenburg, amekuwepo kwenye ligi kuu ya Uingereza tangu mwaka 2004, na sasa ana umri wa miaka 33. Huyu ndiye anayeshikilia rekodi ya kuwa mwamuzi wa kwanza nchi uingereza akiwa na umri wa miaka 30 kuchaguliwa kuwa mwamuzi wa kiwango cha FIFA.

2009-11-10T07:13:00.000-08:00

Huyu ni mwamuzi mkongwe katika ligi kuu ya Uingereza, jina lake ni Steve Bennett, amekuwepo tangu mwaka1999 na ana umri wa miaka 47.

2009-11-10T07:10:00.000-08:00

Amekuwa Mwamuzi wa ligi kuu ya soka nchini Uingereza tangu msimu uliopita, na ni mwamuzi mdogo kuliko wote ana umri wa miaka 25, na anaitwa Stuart Attwell

2009-11-10T07:02:00.000-08:00

Huyu anaitwa Martin Atikinson, amaekuwepo kwenye ligi kuuu ya England tangu mwaka, 2005 na ana umri wa miaka 37.

Hakuna ngono wala pombe...ili kushinda...!

2009-11-10T05:23:00.000-08:00

DAVID HAYE sasa anatoa siri kuwa yako yaliyo mengi aliyobidi ajibane ili amchakaze bondia wa uzito wa juu mwenye mwili mkubwa kuliko wote na mzito kuliko wote na aliyekuwa bingwa wa dunia…. Nikolai Valuev

Mambo makuu anayataja kuwa ni pamoja na kutofanya ngono, kutokunywa pombe na kutofanya mitoko ya usiku.
Haye, mweye umri wa miaka 29, alitwaa ubingwa wa uzito wa juu WBA kutoka kwa mrussia huyo Nikolai Valuev jumamosi iliyopita

Baada ya kumtandika mtu mzima ....sasa Wemley!

2009-11-10T05:19:00.000-08:00

Haye akionyesha moja ya magazeti yaliyopanbwa na picha na habari za kichapo alichotoa huku yeye akibaki na sura maridhawa.

DAVID HAYE sasa ndoto zake ni kwenda kucheza pambano la ngumi na uwanja mkubwa nchini Uingereza, yaaani “nashino stadium yao” baada ya ushindi alioutwaa jumamosi iliyopita .

Adam Booth, ambaye ndiye meneja wa bingwa mpya wa uzito wa juu mkanda wa WBA anasema "tayari amekuwa na mawasiliano na uwanja wa Wembley, tayari kwa maandalizi ya pambano kati ya David na kaka yake Klitschko, pambano amabalo linatarajiwa kuwa ni la kihistoria.
Haye amekuwa mtu wa gharama ya ajabu katika maswala ya michezo baada ya kumchapa kwa raundi zote Nikolai Valuev jumamosi iliyopita .
Inasemekana kutoka kila kona ya bahari simu zimekuwa zikimtafuta meneja wake huyo, wenye fedha wakitaka kulinunua pambano hilo.
Hata hivyo itampasa Haye apambane na mmarekani Johnny Ruiz, kutetea mkanda wake kisha ndipo sasa akutane na kaka yake Klitschko, Wladimir,ambaye ni bingwa wa uzito wa juu wa mikanda ya WBO na IBF ndani ya Wembley.

Kansa ya Damu imo kwa Kareem Abdul -Jabaar, lakini anasema haimyimi usingizi...!

2009-11-10T04:17:00.000-08:00

Kareem Abdul-Jabbar nasema ametiwa nguvu na moyo kutangaza juu ya ugonjwa wake kutokana na jinsi Elvin Magic Johnson alivyoweza kutangaza na kusaidia kuokoa maisha ya wengi alipofahamu kuwa anavirusi vya ukimwi.

Mchezaji mkongwe na nyota wa zamani katika mchezo wa Mpira wa kikapu nchini marekani, Kareem Abdul-Jabbar ametamka hadharani kuwa anasumbuliwa na kansa ya damu (leukemia) na sasa anaendelea na matibabu.

Akiwa na umri wa miaka 62,huku bado akiendelea kushikilia rekodi ya upachikaji bora wa vikapu katika ligi ya NBA, anasema ni mweziwa kumi na mbili mwaka jana, ndipo alipogundulika kuwa na ugonjwa huo.

Akizungumzia sababu iliyomfanya atangaze juu ya kuugua kwake, Jabbar anasema si kawaida yake kuzungumzia juu ya maisha yake binafsi , lakini juu ya hili ameona ni busara kulitangaza kwa nia njema ya kutaka watu kwanza wafahamu kuwepo kwa ugonjwa huo.
Abdul-Jabbar anaendelea kueleza kuwa unajua aliamua kwenda kufanya vipimo baada ya kujisikia vibaya huku akikumbwa na hali ya kuhisi joto kali na kutokwa na jasho jingi mara kwa mara na hili akatambua kuwa si sawa hasa kwa watu wenye umri kama wake ambao ni 62.

Na baada ya vipimo hivyo vilivyoonyesha kuwepo kwa chembe chembe nyingi sana nyeupe za damu kuliko nyekundu ndipo madaktari wakamtamkia kuwa yeye anasumbuliwa na ugonjwa huo, Hili anasema lilimshitua sana na akaogopa, lakini Kocha huyu msaidizi wa Los Angles Lakers anaendelea kusema kuwa alipewa nasaha na kuanza matibabu na hadi leo hajabadili mtindo wa maisha yake hata namna ya chakula anachokula.

Anachosisitiza Jabbar ni kuwa yeyote anayepatikana kuwa na tatizo hilo asivunjike moyo na kukata tamaaa ambako kutampelekea kupoteza uhai, kwani yeye ni mfano ulio hai huku akiendelea kuishi kwa furaha na raha kila siku.

Abdul-Jabbar aliandika rekodi ya ufungaji katika NBA kwa kupata pointi 38,387 na kufanikiwa kutwaa ubingwa wa NBA mara sita katika miaka yake ishirini aliyocheza ligi hiyo, akiwa na Milwaukee Buck na L.A.Lakers.

Alianza kucheza ligi ya NBA mnamo mwaka 1969 akiwa na Bucks, kabla ya kuuzwa kwenda Lakers mnamo mwaka 1975,Kisha kustaafu akiwa na umri wa miaka 42 mnamo mwaka 1989.
Abdul-Jabbar, ambaye alikuwa akifahamika sana kwa mtindo wake wa sky-hook shot, katika miaka 20 ya NBA alifanikiwa kuwa Mchezaji mwenye thamani kubwa sana katika NBA mara sita.

Hivi kwikwi ya Liverpoool nani alaumiwe.....?

2009-11-05T08:04:00.000-08:00

Mara nyingi sana Benitez ameonekana kuwa mwalimu mzuri sana katika soka akiwa na Bwawa la maini, lakini msimu huu ni wazi kuwa mambo yanaonekana kuwa hayaendi sawa...yeye akawatupia lawama viongozi, baadae viongozi nao wakamtupia lawama yeye, mashabiki nao...wako katika utete huku wakimpa lawama mwalimu huyu......je wewe unaoneje......nani alaumiewe? na nini kinapaswa kufanyika kuirejesha Liverpool barabarani..? Tutumie maoni yake na tuyapeleke kwenye Jahazi la Clouds FM.

Torezzzzzzzzzzzz

2009-11-05T07:58:00.001-08:00

Mara zote huyu bawa akitolewa Liverpool huwa wanabaki kuwa na hali mbaya, na jana baada ya yeye kutolewa, wale mabeki watatu waliokuwa wakimkaba walianza kusaidia katika mashambulizi na kufanikiwa kusawazisha.

Lyon Bwana...!

2009-11-05T07:56:00.001-08:00

Wachezaji wa Lyon wakishangilia baada ya kuandika bao la kusawazisha dhidi ya Liverpool

Beki ya Liverpool ilizidiwa!

2009-11-05T07:51:00.000-08:00

Jamie Carragher na wenzie walizidiwa na kushindwa kudhibiti mashambulizi......

Babel afungua ukurasa....

2009-11-05T07:48:00.000-08:00

Ryan babel akishangilia baada ya kuandika bao la kwanza dhidi ya Lyon hapo jana nchini Ufaransa.

Unabishaaaaaaaa!

2009-11-05T07:44:00.001-08:00

Nahodha wa Arsenal Cesc Fabregas anaokena akimuuliza mchezaji wa AZ Alkmaar...... Unabishaaaaaa...?

Diabyyyyyyyyyyy!

2009-11-05T07:42:00.001-08:00

Abou Diaby wa Ze GUNAZ akiandika bao la nne kwa timu yake hapo jana. Sasa wamefuzu kucheza hatua ya mtoano!

Mrusi huyu wa Arsenal ni kiungo muhimu sana pale London

2009-11-05T07:37:00.000-08:00

Andre Arshavin ...dakika ya 52 kipindi cha pili ndiye aliyetoa bonge la pande kwa Cesc naye bila ajizi aliandika bao la tatu kwa Ze GUNAZ!

Arsenal Kiboko..!

2009-11-05T07:24:00.000-08:00

Kazi yake ya jana ilikuwa pevu...ndio maana nahodha wa Arsenal Cesc Fabregas anahitajiwa nyumbani barcelona. hapa baada ya kucheka na nyavu bao lake la pili.

Matokeo mengine ya NBA hapo jana.....!

2009-11-05T07:07:00.001-08:00

Jonny Flynn wa Minesota Timberwolve akichakarika hapo jana dhidi ya Boston Celtics, ambapo timu yao ilifungwa nyumbani ndani ya Target Centre pointi 92 kwa 90.

Miami Heats 93 Washington Wizards 89

Detroit Pistons 99 Toronto Rapptors 110

Phoenix Suns 100 Orlando Magic 122

Denver Nuggets 122 New Jersey Nets 94

Indiana Pacers 101 New York Knicks 89

Boston Celtics 92 Min.Timberwolves 90

L.A.Lakers 103 Houston Rockets 102

Dallas mavericks 107 New Orleans Hornets 114

Atlanta hawks 113 Sacramento Kings 105

Memphis Grizzlies105 Golden State Worriors 113

Ligi ya NBA ipo on Fire na Dwyane Wade pia he is on Fire!

2009-11-05T05:18:00.000-08:00

Dwyane Wade, akiwa na timu ya Miami Heats alfajiri ya leo alifanya kazi ya ziada na kupata pointi 40, zilizoisaidia timu yake kutoka na ushindi wa pointi 93 kwa 89 za Miami Heats.
katika mchezo huo uliochezwa ndani ya Verizon Centre, ni haywood wa Wizards aliyekamata rebounds 11 na kuongoza katika hilo huku Chalmers wa Heats aliwa na assists 8.

matokeo ya Michezo mingine ya alfajiri ya leo yanafuata......

Huyu ndiye Cristiano Ronaldo...!

2009-11-02T04:35:00.000-08:00

Mie Sio mwokozi....!

2009-10-30T06:01:00.000-07:00

Mchezaji bora wa Dunia Cristiano Ronaldo, amewataka mashabiki kutomtumainia sana yeye katika kila mchezo wakiwa na matuamaini ya ushindi kwani yeye si mwokozi.
Ronaldo ambaye kwa sasa anamalizia kuuguza kiwiko cha mguu alichoumia katika mchezo wa Real madrid na kujitonesha wakati akiwa na majukumu ya kulitumikia taifa lake la Ureno.

Kabla ya kuumia kwake Cristiano Ronaldo aliuanza msimu huu vema kiasi cha kwafanya mashabiki kumtumainia kama mwokozi. Kwani alifanikiwa kucheka na nyavu mara tisa huku akiisaidia klabu yake kushinda michezo yake yote saba ya Ligi, mfululizo.

Real madrid kesho wamo ndani ya Estadio santiago Bernabeu wakiikaribisha timu ya Getefe ambayo ipo katika nafasi ya nane ya msimamo wa ligi ya hispania, huku wao Reala Madrid wakiwa katika nafasi ta pili, nyuma kwa tofauti ya pointi tatu ya mabingwa watetezi na mahasimu wao wa kubwa Barcelona.Barca wana pointi 22 baaada ya michezo nane huku Real madrid wakiwa na pointi 19 baada ya michezo nane.

Penalllllllllllllllllllllttttttttt!

2009-10-29T06:09:00.000-07:00

Alafu eti wanasema Fergie alikosea aliposema huyu Mwamuzi Riley, amechoka kasi ya soka haiwezi tena! Haya semeni nyie wana wa Bwawa la maini.

Garry Neville na Polisi ni kitu mbili tofauti......

2009-10-27T05:53:00.000-07:00

Baada kufungwa bao 2-0, na Liverpool kumbe huyu babu nahodha wa United, Neville alikuwa na ya kujibizana na askari Polisi waliokuwa wakilinda usalama katika uwanja wa Anfield.

Inasemekana kabla hata ya mtafaruku huo,Garry tayari alionekana akijibizana na mwamuzi wa pembeni wa mchezo huo na mashabiki wa Liverpool wakati akipasha joto mwili akiwa na Johny Evans.

hii si mara ya kwanza kwa wachezaji wa United kukorofishana na Askari Polisi uwanjani, kwani ni msimu uliopita tu, ambapo wachezaji hawa walifikia hatua mbaya baada ya majibizano na Askari wa polisi mjini London ndani ya Stanford Bridge, baada ya mchezo dhidi ya Chelsea, ambapo kutokana na hilo Beki wa kushoto wa United Patrice Evra alifungiwa kucheza michezo minne.

Neville na yeye kuna uwezekano mkubwa kabisa kuwa akabidi ajibu maswali ya shirikisho la soka la Uingereza hasa baada ya kuonekana dhahiri akimshambulia mara kwa mara kwa maneno mwamuzi wa pembeni wa pambano lao dhidi ya Liverpool.

Mwisho wa mchezo Polisi walimzuia asiondoke kama walivyozuiwa mashabiki wengine wa United ili kusitokee vurugu ndipo kijeba hiki kilipo anzisha rabsha na Polisi,ingawa baadae alionekana akiondoka eneo la tukio kukwepa mtafaruku zaidi.

Babu Fergie amuonya Rio.....Usilete za kuleta utaondoka hapa!

2009-10-27T05:39:00.000-07:00

Meneja wa timu ya Manchester United Sir Alex Ferguson, anamuonya naohodha msaidizi wa klabu yake Rio Ferdinand, kuwa atalazimika kumuondoa katika kikosi chake cha kwanza ikiwa kama atashindwa kuonyesha uwezo wake katika kusimamia nafasi ya Ulizi ya kumi a moja ya kwanza ya United.

Unajuahaya yote yanafuatia Rio kushindwa kumdhibiti vema Torres katika mchezo dhidi ya Liverpool mwishoni mwa wiki na kumuacha akiandika bao la kwanza huku yeye akibakia analamba nyasi.

Kulingana na klabu hiyo yenye makazi yake mjini Manchester ni kuwa Ferdinand kwa sasa kasi yake imepungua na ikalinganisha na upungufu wa hatua mbili kwa mshambuliaji mwenye kasi, na wanasema inawezekana asirejee katika uwezo wake wa zamani.

na kutokana na hilo, inawezekana Johny Evans akapewa nafasi ya kuanza mchezo ujao dhidi ya blackburn akisaidiana na Nenanja Vidic katika safu ya ulinzi.

Raha ya Ushindi ndio hii....!!!!!

2009-10-26T06:24:00.001-07:00

Mashabiki wa Liverpool wakiwa na shangwe ya Kusahau kipigo cha michezo minne mfululizo, huku wakiwachapa mabingwa watetezi bao 2-0, Bwawani...!!!

Hongera sana Wazee na Wadada Liverpool

2009-10-26T05:45:00.000-07:00

Baada ya Alex Ferguson kuamua kiwachezesha viungo wakongwe, Ryan Giggs wingi ya kushoto na paul Scholes katikati huku akimtumia kijana Carrick katikati na antonio Valencia wingi ya kulia, ni wazi kuwa akiiangalia mechi hiyo kwa marudio ataona ni jinsi gani Yose Beabayoun raia wa Israel alivyoona upenyo kupiaupande wa hawa wazee na kuifanya Manchester United kuonekana "nyanya" hadi zilipo salia dakika kumi mchezo kumalizika ambapo,aliamua kufanya mabadiliko na kuwaingiza Nani , akichukua nafasi ya Scholes na Michael Owen akichukua nafasi ya Berbetov.

Kwa maoni yangu binafsi ni kuwa Berbetov alipaswa kutoka tangu kipindi cha kwanza kutokana na kucheza chini ya Kiwango na kukosekana uwiano kati yake na Wayne Rooney.

Ni wazi wangepena kumtupia lawama Ferdinand kwani hata Vidic alionekana akimlaumu beki mwezie wa kati kwa kushindwa kumdhibiti Fernado Tores na kumuacha akiandika bao la kwanza kwa Liverpool.

Hapana mimi ninansema, ni mwanya uliotumiwa vema na Liverpool ndio ulifanya mabeki wa United kujikuta wakifanya kazi ya ziada, na kwa kuthibitisha hilo ni kadi ya pili ya njano aliyopewa Vidic ikiambatana na nyekundu, nayo ikiwa ni kadi nyekundu ya tatu mfululizo ambayo anapewa beki huyu katika michezo mitatu mfululizo aliyokutana na Liverpool.

Bao la pili hakuna wa kulaumiwa kwani Man United wote walikuwa wamekwenda kutafuta bao la kusawazisha na kukamatwa ukweni wakiwa watupu... na Ikawa 2-0 hadi mwisho wa mchezo.

Wabluu nanyi hongera zenu kubwa sana kwa ushindi wa bao 5-0 mlioupata jumapili, naogopa sana kuuzungumzia mchezo huu kwa sababu sikupata nafasi ya kuuona kwani nilikuwa Tanga...Kunani paaleeee Tanga.

Arsenal nyie sasa msaidiweje, mmeongoza bao 2-0 mapemaaaaaa halafu mara haaaaa wamerudisha West ham hadi mwisho 2-2.

Hivi je mnadhani ushindi wa Liverpool jana utaweza kuuinua timu hii kwenye mbio za ubingwa?

Hasheem Thabeet ni Mfano wa kuigwa

2009-10-23T02:27:00.000-07:00

Naja leo!

2009-10-23T01:52:00.000-07:00

Strongest man ya Fiesta,sasa inaelekea Tanga, ambako wale wenye uwezo wa kunyanyua vitu vizito kwa kutumia akili na muda mfupi zaidi watakua wakichuana katika uwanja wa mkwakwani mkoani humo.

Wa Dodoma tayari amekwisha patikana wa kanda ya ziwa pia na sasa eneo la kwanza la pwani nalo litapata Strongest Man wake hapo kesho asubuhi.

Matukio yote hayo yatawajia kwa picha.....mapema iwezekanavyo...hasa pale Ustaadh wangu Michuzi Jr atakapokuwa ameridhia kutoa zile picha anazoamini ambazo pia mimi nianaamini mtafurahia kuziona.

Solomon Kalou ni mkali sana!

2009-10-22T01:59:00.000-07:00

Kata vilimilimi vyao hao....anaonekana Solomon Kalou mmoja wa wazao wa Afrika ambaye alicheka na nyavu mara mbili na kuisaidia Chelsea kupata ushindi wa kwanza mkubwa wa nyumbani katika msimu huu wa Champions league kwa kuichapa Atletico Madrid bao 4-0.

Ni huyu Kalou ambaye Arsene Wenger alisita kumnunua katika kipidi kilichopita cha usajili akidai kuwa paundi milioni 8, ni hela nyingi kutumia kununua mchezaji kama huyu ambaye hata hajafikia umri wa miaka 25.

Go Solo.. Son of afrika waonyeshe huu ni mwanzo shughuli yenyewe itakuwa Sauzi, mwakani

AC Milan ni pata pata na Pato wa Brazil.....

2009-10-22T01:36:00.000-07:00

Baada ya Golikipa raia wa Brazil,Mkongwe Dida kufanya makosa kipindi cha kwanza na kuruhusu Raul kuandika bao la kwanza, alikuwa ni kijana mdogo mwenye umri wa miaka 19, Mbrazil Pato aliyefanya maamuzi ya mwisho nani achukue pointi tatu hapo jana baada ya kucheka na nyavu za Iker Casillas wa Real Madrid mara mbili.

Alikuwa ni Mkongwe Pirlo, aliyeanza kufungua ukurasa wa magoli ya Milan, kwa kumchungulia Casillas mita zaidi ya 20, kwa nduki kali lililopenya centimeta chache ndani ya bomba la kulia la golikipa huyo.

Mpira mrefu uliotoka upande wa kushoto ulimvuta Casillas kutoka nje ya eneo lake pato akatisha kama anapiga, Casillas akalala...mamaaaa Pato kapitaaaa akaziangalia nyavu, Mwamuzi akasema twende kati.

Raul ana akili sana, real walipopata kona, mzigo akausimamia mwenyewe, akamchungulia Drente ambaye alikuwa nje ya 18 ya Milan, huku Mila wakijazana ndani ya 18,naye Drente akatulia na kupiga bonge la shuti kima cha sisimizi, nyavu za Milan ..waawaaaa, twende kati 2-2.

Ronadinho na Sedorf ni viungo wakongwe wa Milan, na wao wanalijua hilo ndio maana baada ya bao hilo wakachukua jukumu la kuibeba timu yao, ndio ikasaidia, Ronaldinho anapokea pasi kutoka kwa Pato,anamsogezea Sedorf anayetulia na kumuona Pato akimuonyesha nafasi pale alipo, Mzee mzima hakusita na ananyanyua mpira kama anachpo hiviiiiiii......Patoooooooooo anapress Casillas hana la kufanya 3-2 Ac Milan na ndio hivyo mchezo ulivyomalizika.

Ze Bluuz nao wako mbele......

2009-10-21T12:41:00.000-07:00

Na huyu Solomon Kalou ndiye mfungaji wa bao la kwanza la Chelsea.

Bayer Munich mpaka sasa wako nyuma.....

2009-10-21T12:37:00.001-07:00

Boardeaux pamoja na kujifunga,kana inavyoonekana hapo juu, wamejikuta hadi mapumziko wakiongoza bao 2-1 dhidi ya wababe wa ujerumani Bayern Munich

Raul Raul Raul ....!

2009-10-21T12:17:00.000-07:00

Dakika ya 19 kipindi cha kwanza , golikipa mkongwe wa Milan Dida, anafanya makosa ya ajabu,anajaribu kuupooza mpira ulipigwa shuti na miguu yake ikajichanganya na heeeeeee... si ampasie Raul, na Raul anaandika bao la kwanza dhidi ya Milan, bao lake la 2 katika michezo mitatu na la 68 kiujumla katika klabu bingwa barani ulaya.

Kwa kumbukumbu yako tu!

2009-10-21T11:54:00.001-07:00

Baada ya Nani...kunaniiiii na Berbetov kudodosha gozi la ng'ombe kwa kichwa huyu hapa Antonio Valencia akikunjuka na kuandika bao la ushindi la Manchester United dhidi ya CSKA Moscow ndani ya champions league. United wanaongoza kundi wakiwa na pointi 9.

Hii ilikuwa pamoja mwaka 2007... Na sasa ndio shughuli inaanza rasmi.

2009-10-21T10:59:00.001-07:00

Hii ilikuwa pamoja kwa sana mwaka 2007, na ndoo ikatwaliwa pale mjini Milan, sasa leo ni shuguli nyingine, wawili hawa wakiwa na Jaaaz tofauti itakapotimia saa nne za usiku kwa saa za afrika mashariki. Sorry yaani dakika mbili zilizopita ambapo ilikuwa ni saa nne kasorobo za usiku.

Nani, nusura ananiii kwa kichwa Luzinich...

2009-10-21T10:46:00.000-07:00

Dakika ya 60, kipindi cha pili mpira mrefu unaotumwa na nahodha wa United, Garry Neville unamfanya nani kuchupa na kupiga kichwa safi akilenga ndani kidogo ya bomba la kipa wa CSKA, lakini kipa anafanya kazi yake ya kulinda lango...bado 0-0.

Dakika ya 86, si Nani akatoa bonge la pasi la nanihiii yaani akaunyanyua kama anachip hivi na Dimitar Berbertov anagonga kichwa saaafi na Antoni Valencia anaunganisha kwa shuti la kulia, nyavu zinatingishika
1-0, Mamchester United.

Hawa wa Blue nao wanacheza leo.

2009-10-21T10:40:00.001-07:00

Baada ya kupokea kichapo cha pili katika ligi kuu ya soka nchini Uingereza katika msimu huu, mwishoni mwa wiki iliyopita. Vijana wa Muitaliano Carlo Anchelotti leo ni wenyeji wa klabu ya mjini Madrid, Atletico Madrid ndani ya Stanford Bridge, mjini London.

Hii shughuli unayoaalikwa kuishuhudia itakuwa ni ya kutafuta pointi muhimu za kusaidi kuvuka hatua ya makundi na kuwania kucheza hatua ya mtoano.

Pacha wa United Mbishi Russia.

2009-10-21T10:32:00.000-07:00

Pamoja na kuwa na kocha wao aliyetimuliwa Tottenham na Real Madrid , Bwana Ramos, huyu pacha Fabio, anaendelea kuwa kikwazo kwao katika kipindi cha pili cha mchezao kati ya Manchester United na CSKA Moscow ndani ya Uwanja wa Luzinch.Mambo bado ni 0-0.

Mwisho wa siku alijikuta akitolewa kwenye machela baada ya kuumia,sasa usikosee, huyu ndiye kaka yake na pacha yule mwingine Mbrazil Rafael.

Kaka na Ronaldinho nani mkubwa pale santiago Bernabeu ?

2009-10-21T10:14:00.000-07:00

Baada ya kuihama klabu ya AC Milan, Kaka ni wazi amewaachia maumivu Milan ambayo wanaendelea kuugulia,mpaka leo hii.

Ingawa majukumu yake amekabidhiwa Ronaldinho gaucho Mbrazil mwezie lakini bado hajaweza kucheza katika kiwango alichokuwa akikionyesha akiwa na klabu ya Barcelona, wakati amabapo alipokuwa mchezaji bora wa Fifa.

Hata hivyo naye Kaka tangu ahamie klabu Real Madrid bado hajaonyesha cheche kali za Milan, zaidi ya mabao ambayo amekuwa akipachika kwa njia ya penati na kumuacha Cristiano Ronaldo akiipamba sherehe nzima ya uhamisho wa Real Madrid.

Sasa leo wanakutana viuongo hawa wawili washambuliaji katikati katika nyasi za Santiago Bernabeu nani atangaa'?

Haya Tena Kule Russia Mashetani wekundu na wekundu wa Russia

2009-10-21T09:51:00.000-07:00

Vijana wa mzee Ferguson wakitroti kabla ya kuanza kwa mchezo unaoendelea sasa kati yao na CSKA Moscow.

Huyo Mzee mfupi anayeonekana hapo, Paul Scholes, halmanusra apachike bao katika dakika ya 25 ya mchezo kipindi cha pili baada ya kupiga nduki ya mita kama thelathini, lakini kipa pamajo na kuyumba akaicheza.

Shuguli sasa inakwenda dakika ya 40, mambo bado ni 0-0. Mashetaaaaani!

Haya haya liverpool, Tores - Gerald = Benitez nenda kwenu!

2009-10-21T09:28:00.000-07:00

Unajua jana baada ya kuuangalia sana mpira ni wazi kwa wengi inaonekana kama ilvvyo katika kichwa cha hapo juu, lakini sivyo.

Kwani ukiangalia akina Aurerio, Mascherano, Nenayoun na Kuyt bado uhai ni mkubwa kwa timu hii kongwa katika soka la level ya dunia. ila nadhani kunaweza kukawa na ka' mgomo ka wachezaji au ni yale ninayopenda kuyasema kuwa Benitez ni mmoja wa Mameneja ambaye kuwa hajua namna ya kuwapanga wachezaji wake, na pia uwezo wake wa kuwatuma kazi vijana wake sasa umekwisha.Baada ya kufungwa kwa mara ya kwanza mara nne mfululizo baada ya miaka 22, hii inamaanisha kuwa ikiwa kama Benitez na kikosi chake watafungwa tena jumapili watakapokutana na Manchester United, basi safari yake ya kurejea nyumbani Hispania itakuwa imeiva.

Barcelona wanafungika

2009-10-20T14:41:00.000-07:00

Barcelona wakiutawala mchezo kwa asilimia 70 wamejikuta wakichapwa bao 2-1 na Rubin Kazan katika mchezo wa tatu wa makundi kuwania nafasi ya kucheza mtoano wa klabu bingwa Ulaya.

2009-10-20T14:35:00.000-07:00

AZ Alkmaar 1-1 Arsenal: Baada ya kuongoza kwa dakika nyingi hadi dakika ya 93 ya mchezo Arsenal wanashindwa kulinda ushindi wao wa tatu katika Champions league na kulazimishwa sare ndani ya DSB Stadium.

RAFAEL BENITEZ ANADAI MTASEMA SANA MWISHO MTALALA

2009-10-20T08:06:00.000-07:00

Liverpool leo inaingia ndani ya Anfield kutafuta pointi tatu muhimu katika kundi lake la E, wakiwania kusonga mbele kucheza klabu bingwa barani Ulaya al maarufu kama Champions league. Wakiwa na pointi tatu tu baada ya michezo miwili ya kundi lao, Meneja wa klabu hii anafahamu wazi kuwa ushindi leo ni muhimu,1. kwa sababu ya kujiweka vema katika kundi,2. kuwanyamazisha mashabiki ambao walishuhudia kufungwa kwa mara ya tatu msimu huu kwa klabu yao ya Bwawa la maini.

Hata hivyo Meneja Benitez amekuja na mijigambo kuwa wanao sema watasema sana lakini watalala kama tunavyosema hapa mjini.. kwani anadai hata msimu uliopita walisema hivyo hivyo na wao kumaliza wakiwa na pointi 86. lakini sisi watu wakaribu karibu sana na soka tunajiuliza kwa tatizo ni pointi au watu wanataka vikombe na medali.

Awali huyu bwana alikuwa akidai kuwa mabosi wake ndio kikwazo, lakini wakaja juu hivi karibuni na kuhakikisha kuwa hesabu za klabu zinaanikwa mezani na kumtupia lawama zote yeye Benitez ambaye ni wazi kwa maelezo yake ya leo nahisi yamemfika shingoni.

leo wanacheza na Olympic Lyon ndani ya Anfield.... na kama , kama , kama, kama , wakifungwa .....lahaula lakwata ....ule usemi wa Coaches are hired to be fired naona unaelekea kutekelezeka kwake.

NIMEREJEA WANANCHI WENZANGU

2009-10-15T22:07:00.000-07:00

Mambo niaje wadau, mabo yalikuwa kimya kwa kipindi fulani hivi, kutokana na yale ambayo hata kama nikiyaelezea kwa sasa, yawezekana yakawa ni kurefusha majadiliano na kuibua mazungumzo na maswali kedekede.

Tayari Real wanaye Cristiano Ronaldo inagawa ndio hivyo tena ameumia na atahitajika kukaa benchi kwa kipindi cha mwezi mmoja, huku barcelonaikiendeleza hatua zake pale ilipoishia msimu uliopita bila ya kuwa na Samwel Eto' ila wakiwa na Mswede Zlatan Ibrahimovic na malengo ya january ya kutaka kumsajili Robinho kutoka klabu ya Manchester City.

Huku England hali bado ikiendelea kuwa tete kwa mabingwa watetezi, Manchester United, Liverpool na Arsenal huku "Ze Blues" wakionyesha uimara zaidi katika mwanzo wa msimu huu. Pamoja na Ze Blues wa Manchester, Ze Citizens nao wakiwa katika kiwango cha kutowashtua wengi wenye kufahamu maana halisi ya matokeo ya kuwekeza fedha kwa wataalamu.

Italia nako Inter Milan na Jose Mourinho nao wanaendeleza hatua pale waliposimamia msimu uliopita katika Serie A, wakiwa na Samwel Eto' huku mipango ikiendelea ya kuwamwaga wazee wazee wa klabu hiyo kama akina Patrick Viera.

Pamoja na kufanya vema katika Serie A, bado mambo si shwari kwao katika klabu bingwa barani Ulaya.

Majirani zao na Mahasimu wao wakubwa katika ligi ya kwao wako katika wakati mgumu sana baada ya kumuuza Mbrazil kaka, hata hivyo wameanza kupata matumaini baada ya Mbazil mwezie Ronaldinho Gaucho kujitoa muhamga na kuwa mtari wa mbele kuonyesha mfano katoka timu hiyo akiwa na nia ya kuitafutia ubingwa, hasa baada ya kuonekana kila siku akianza mazoezi saa moja na nusu kabla ya wenzake hawajajiunga naye kuanza mazoezi rasmi ya timu.

Kipigo cha Real Madrid aibu......Chelsea Mtatoka?Barcelona 6 Real Madrid 2.

2009-05-02T13:00:00.000-07:00

Real Madrid hoi,hoi hoi taabani... Messi : "Sasa bado Chelsea!"

Iniesta, Xavi, Leonel Messi, Henry, na Samwel Eto ndio watakaoibeba Barcelona kwenda mjini Rome kule Italia tayari kwa fainali ya klabu bingwa barani Ulaya.

Real Madrid ikicheza bila ya kiungo mbunifu imeonyersha kuzidiwa kabisa kiuwezo wa soka na Barcelona katika mchezo uliokwisha muda si mrefu uliopita. Pamoja na kuwa na malengo ya kutaka kusajili wachezaji kama akina Cristiano Ronaldo, nafikiri Real kwa sasa inahitaji kutafuta kiungo mbunifu kama waliyewahi kuwa naye Zinadine Zidane kwa ajili ya kujenga mashambulizi na kumuimarisha Diara acheze kiungo ya kujituma kama alivyokuwa Claudi Makelele.

Carles Punyol akishangilia bao la pili alilofunga kwa kichwa leo

Lakini tukizungumzia mchezo ujao wa Barcelona wanapokenda mjini London kukutana na Chelsea baada ya sare ya bila kufungana katika mchezo wa kwanza wa nusu fainali ni wazi kuwa utaungana name kukubali kuwa Hiddink alikuwa ni mmoja wa mamilioni ya binadamu ambao walikuwa wakiushuhudia mchezo wa leo wa Barca na Real.
.
Njemba zaChelsea zinazotegemewa kusumbua ngome ya Barca jumatano, hapa ni leo wakipongezana baada ya kupachika bao.

Chelsea leo ilicheza mchezo wa mashambulizi zaidi ilipokutana na Fulham katika West London derby, ambapo iliwachezesha Nicholus Anelka na Didier Drogba katika safu ya mashambulizi na wanaume hawa wawili walionekana kuelewana sana, sasa basi nikiangalia jinsi beki Barcelona ilivyocheza hivi leo naamini Punyol na mabeki wenzie watakuwa wakiwasindikiza golini mwao mara kadhaa vipande hivi viwili vya vijibaba.

Malouda akishangilia bao leo.

Lakini haya yatawezekana tu ikiwa kama Michael Essien atafanya kazi ya kusaidiana na Michael Ballack na Mikel Obi kucheza kwa nguvu na kujituma kuwakabili watengenezaji wa mashambulizi ya Barcelona Xavi, Iniesta na Messi, wakifanikiwa hili kwa pamoja na si kucheza Man to Man basi amini usiamini safari ya Rome itakuwa ni ya Guss Hiddink na Vijana wake wakitokea mjini London.

La wakishindwa kuhimuli mbinu na m ikogo ya kisoka ya vijana hao watatu wa Barcelona, basi pia amini usiamini aibu ya leo ya Real Madrid, itawakuta Chelsea katika uwanja wao wa nyumbani.

Ile nusu fainali ya pili, inayokutanisha vilabu vyote vya Uingereza, pale mjini London nayo haina wepesi hata kidogo hasa baada ya kuangalia michezo ya leo ya timu hizo mbili yaani Arsenal na Machester United.

Man United ndio walioanza kucheza leo, huku wakiwa na wachezaji kama Ronaldo nje akipumzishwa, Ferdinad akiendelea na matibabu ya mbavu, Carlos Tevez Nani na Anderson nao wakipumzishwa pamoja na kipa Vandersar.

Wakicheza kwa uangalifu na nidhamu ya hali ya juu kwa mara nyingine Man United wakatoka na
ushindi wa bao 2-0 ushindi ambao Fergie anasema sasa wanapokwenda si mbali san kufanikisha kutetea ubingwa wao.

Ryan Giggs akiandika bao la kwanza la Man United leo.

Arsenal nao wakaingia uwanjani mara tu baada ya mchezo wa United, wakicheza ugenini dhidi Portsmouth(mdomo wa Bandari), arsenal anafanikiwa kutoka na ushindi wa bao 3-0, lakini unaona kabisa ni juhudi za binafsi za Arshavin ndizo zinaibeba timu hiyo huku ufahamu ukiwa ni kwamba hatocheza jumanne kwa sababu ileile ya kuchezea klabu nyingine msimu huu.
Bendtner akipongezwa na Walcott baada ya kupachika bao leo

Wakiwa wanaongoza kwsa bao 1-0 mimi nawapa nafasi kubwa zaidi Manchester United kutoka na tiketi ya kucheza fainali mjini Rome kuliko Arsena, kwanini.......?

Imethibitika wazi katika msimu huu na mingine iliyopita kuwa Manchester United wamekuwa na taibia ya kupata bao katika kila mchezo wanaocheza, jambao ambalo ndilo naliona likiwapa ugumu Arsenal, kwani wakipata bao United la ugenini basi wanakuwa na jumla ya bao 3 sasa inabidi Arsenal nayo ipate bao hizo ili kujihakikishia matumaini ya kwenda Rome, je Wanaweza....?

Ndio wanaweza kama walivyofanya leo, lakini pia kumbuka walipata bao nne walipocheza na Liverpool lakini nao wakafungwa bao nne, na katika michezo yote hii miwili Arshavin ananga'ara sana na jumanne hatakuwepo!

Sasa basi Kimaandishi ni wazi kuwa Man United wanasonga mbele, lakini kimpira hapana kwani hata nao arsenal wana nafasi hiyo hiyo, ambao Man waliyonayo.

Arsenal kwa mfano wanapata ushindi, je magoli watakayofunga yatatosha kuwapatia visa ya kwenda mjini Rome Italia baadae mwezi huu?

Tupe Mchapo wako!

Naona picha ya wanaokwenda kucheza Rome Fainali.

2009-05-02T11:49:00.000-07:00

Baada ya kushuhudia mchezo ulioanza mapema saa ya chakula cha mchana nchini Uingereza, kati ya Middlesbrough na Manchester United na kushuhudia Ryan Giggs akiongoza mashambulizi na kuandika bao la kwanza kwa klabu yake kabla ya J.S Park kufunga ukurasa wa magoli kwa kuandika bao la pili na baadae kuuona mpambano wa West London Derby Kati ya Chelsea na Fulham huku Asenal ikicheza ugenini na Ports mouth na kushinda bao 3-0, matokeo kama ya Chelsea ambao nao waliziona nyavu mara 3 na kuruhusu bao 1.

Sasa ni mapumziko na ni naangalia mchezo katika ya Real Madrid na Barcelona na tayari Barca wanaongoza ka bao 3-1, sasa ni wazi ninaweza kusema ninaona nini kinachotakiwa kufanya kwa klabu nne zilizosalia katika nusu fainali ya klabu bingwa ulaya, ili kujipatia viza ya kuingia mjini Rome,tayari kwa mchezo wa fainali wa mashindano hayo.

Wanapaswa kufanya nini ........Mchapo unakuja muda si mrefu, wacha niangalie kipindi cha pili..Mpambano huu huwezi kuruhusu hata sekunde moja ikupite!

Ila kama Real wakitaka kushinda,inabidi kuongeza nguvu na kucheza kiume zaidi katika kiungo na kuwanyima uhuru Iniesta na Xavi ambao wanafanya watakavyo katika nafasi ya kiungo.

Hakuna mabadiliko katika vikosi vyote, Game on Kipindi cha pili............

London ndio mwenyeji wa nusu fainali bili zilizosalia za klabu bingwa Ulaya!

2009-04-30T08:37:00.000-07:00

Darajani Stanford Brige jumatano ijayo, Chelsea watakuwa wakiikaribisha timu ya Barcelona ambayo wachezaji wake Xavi, na Eto wametuma salamu za kumlalamikia mwamuzi wa mchezo wao wa kwanza pale Camp Nou kule UEFA kuwa hakuwatendea haki.

Hiddink na vijana wake siku ya jumatano, watakuwa na kazi ya ziada na kuikaba safu kali ya masha,bulizi ya Barcelona.

Kwani ni matokeo ya ushindi tu ndiyo yatakayowapa nafasi kuvuka na kucheza fainali ya pili mfululizo ya mashindano haya, huku wapinzani wao wakiwa na upande mwingine wa kuvukia pamoja na huo wa ushindi, upande huo ukiwa ni kutoka na sare yoyote ya magoli.

Nusu fainali ya pili ya Klabu bingwa Ulaya nayo inachezwa mjini London, siku ya jumanne ambapo Arsenal watakuwa wakiikaribisha Manchester United ndani ya uwanja wa Emarates.

Katika Mchezo wa awali, Man U imeshnda kwa bao 1-0, jambao ambalo Arsene Wenger anasema United watajutia katika mchezo ujao kwani walipaswa kuwafunga bao zaidi ya moja.

Arsenal wana nafasi njema katika mchezo huo wa pili, hasa ukizingatia kuwa wanacheza nyumbani, lakini pia wao hawa shindano jingine la kulitolea macho.Huku United wao wakiwa na uhitaji wa kushinda mchezo wake ujao wa ligi dhidi ya Middlesbrough ili kutengeneza tofauti kubwa zaidi ya pointi na wanaowafuatia klabu ya Liverpoo.

Lakini United si wa kuwabeza, kwa kuwa moja wao ndio mabingwa watetezi, pili wanaongoza kwa bao 1 na sasa wanakwenda kucheza ugenini, ambako kama wakipata bao moja la haraka basi watakuwa wanaongoza kwa bao 3-0 na hivyo ni lazima Arsenal ipate bao tatu ili kujihakikishia nafasi ya kubaki katika mashindano haya. Je wataweza?

Tupe Mchapo!

Baada ya tukio la jana je kweli Watanzania tunafahamu nini cha kufanya itokeapo balaa la mabomu au risasi?

2009-04-30T08:14:00.000-07:00

Unajua Pamoja na kutaka kuliachia jeshi la Wananchi swala hili nyeti la Milipuko ya mabomu huko Mbagala, nahisi ni wajibu wangu au niseme wetu sote Watanzania kukumbushana juu ya umuhimu wa kujua namna ya kujiokoa kutokana na hali za hatari kama hizi.

Mara nyingi ukisikia kuna mlio wa risasi, basi utaona kundi la watu linakimbilia kulekule ambako mlio umesikika na ukiuliza mnafuata nin huko? watakujibu aaaah unajua kwanini tusimuliwe wakati macho tunayo wenyewe......Sasa hapa najikuta nikishangaa hawa jamaa vipi, ina maana hawajui huko wanakokwenda kama ni majambazi yakiwa yamezidiwa si hurusha risasi ovyo na haijalishi itamkuta nani ,,nao wanakimbilia huko huko?

Jana kune Mbagala, kuna baadhi ya watu ambao naamini kama wangekuwa na ufahamu anagalau kidogo juu ya jinsi ya kujiokoa wakati wa hatari kama ule, labda wasingejeruhiwa au hata labda wasinge poteza uhai wao. Maana baada ya Mlipuko wa kwanza kusikika kilichofuatia ni kila mmoja kutimua mbio bila ya kujua wapi pa kuelekea, wengine wakikimbilia barabarani na hata katika mto mzinga guku wakijua yfahamu wa kuogelea hawana.

Hivi yale mahandaki ambayo zamani nakumbuka tulikuwa tukifundishwa kuwa ukisikia king'ora basi mkimbilie huko yapo wapi? si ndion huko tunakopaswa kukikmbilia linapotokea shambulizi au mlipuko wa bomu.

Je uwezo wetu wa kuwaondoa watu katika maeneo ya hatari katika kipindi cha hatari uko sawa? inapasa kuhoji hili... maana jana pamoja na watu kukimbia huku na huko na kutamkwa kuwa eneo lile ni hatari kulikuwa hakuna mipango ya usafiri wa kuwahamisha au kuwasogeza watu mbali na eneo hilo.

Kwenye Hoteli kubwa mara nyingi ukiingia utakutana na ramani ya jengo ambayo inaonyesha wapi pa kukimbilia kunapotokea hali ya hatari, huu ni mfano wa kuonyesha kujali maisha ya wateja wao, je kule kwetu mbagala,makongo, Lugalo na kwengineko kwenye makambi ya jeshi hatuoni nako tunahitaji kufahamishwa wapi pa kukimbilia?

Jumamosi hii katika mlango wa dharura tunazungumzia juu ya nini cha kufanya linapotokea tukio kama hili na ni nani mwenye wajibu wa kumelimisha mwananchi juu ya kujiokoa na kujilinda. Tupeane mawazo hata michapo juu ya hili nayo itasomwa katika Mlango wa dharura jumamosi saa 9 kamili mchana mpaka saa kumi na moja kamili jioni.

Na kama unahisi hapa hapatoshi basi tutumie kupitia email ya mlango@cloudsfm.co.tz

Tunaomba mchapo wako!

Baada ya Tafrani ya Mabomu Dar, sasa macho mbele Pale Old trafford.

2009-04-29T08:52:00.000-07:00

Dar es salaam leo ilikumbwa na mshutuko wa mtikiso wa mabomu kulipuka katika moja ya kambi za Jeshi la Wananchi wa Tanzania pale Mbagala. Lakini baada ya kazi ya umakini ya askari wetu basi mambo yakawa shwari. Ingawa jijini Dar maeneo ya barabara ya samora wachapa kazi wa town walijikuta wakilazimika kwenda majumbani mapema kutokana na onyo lililotolewa la kuwataka watu waote walio maghorofani kuteremka kutoka katika maghorofa hayo...hii ikawa tafrani kwa waenda kwa miguu na waendesha magari pia, kuna ambao wanasema walijikuta wakiwa barabarani kwa masaa hadi manne wakielekea sehemu ambayo wangeweza kufika ndani ya muda wa dakika kumi tu.

Sasa tuyaache hayo, leo kwa mara ya kwanza Manchester United anakutana na Arsenal katika mchezo wa kwanza wa nusu fainali ya klabu bingwa barani Ulaya.

Alex Ferguson anaweka matumaini yake makubwa katika safu yake ya ukabaji ambayo leo golini anakaa Vandesaar , beki wa kulia akiwa John Oshea katikati wakiwa Rio Ferdinand na Nemanja Vidic huku beki wa kushoto akiwa ni Evra.

Manchester United leo ikitarajiwa kutumia mtindo sawa na wa Arsenal wa 4-3-3, itakuwa na viuongo watatu ambao ni Fletcher, Carrick na mkongwe Ryan Giggs, huku akiacha safu ya mashambulizi ikiongozwa toka kushoto na Cristiano Ronaldo, kati mkandamizaji akiwa ni Dimitry Berbetov na kumaliziwa na Wayne Rooney toka kushoto.

Arsene Wenger, ambaye yeye anaweka matumaini yake katika vijana wake wa safu ya mashambulizi, huku akiweka malengo ya kupata japo bao moja la ugenini, leo anatarajiwa kuwa na golikipa wake nambari moja Amunia, akisaidiwa na mabeki wanne ambao ni Bakari Sagna akicheza beki ya kulia, kati wakisimama Kolo toure na Djarow, huku beki wa kushoto akitarajiwa kuwa ni Gibbs.

Katikati nao wanatarajiwa kutumia viungo watatu ambao ni Denilson, Nahodha Fabregas na Diaby. Safu ya mashambulizi ya Arsenal itakuwa na washambuliaji watatu kama ya manchester united, ambao ni Theo Wallcot akishambulia kutoka kulia,katika akicheza Emmanuel Adebayor na mashambulizi kutoka kushoto yakiletwa na Sameer Nasri.

Mabibi na Mabwana karibuni sana Oldtrafford , manchester United Manchester United wakiikaribisha Arsenal leo saa nne kasorobo usiku kwa saa za afrika mashariki.

Chelsea wamebana kwa sheria ya kutoachia pale Camp Nou

2009-04-29T08:37:00.000-07:00

Guss Hiddink, ni jina la siku nyingi sana katika historia ya kandanda duniani na hasa katika bara la Ulaya, alipoitwa kutoa msaada kwenye klabu ya rafiki yake Abromovitch pale Stanford bridge, wasiomfahamu hawakuelewa ni nini kinafanyika, lakini nina imani baada ya mchezo wa jana sasa macho yanawafunguka na kutambua ni nini kinaendelea katika benchi la timu ya Chelsea.

Wakiwa na safu kali ya mashambulizi inayoongozwa na Mkongwe Henry, akiwa pamoja na Samwel Eto na kutegemea zaidi kazi ya kujituma ya kiungo mshambuliaji wa kiargentina Leonel Messi, ambaye naye pia huwa akisubiri kazi njema inayofanywa na viungo Xavi na Iniesta chini ya Ualimu wa Pep Guardiola jana walishuhudia jinsi Mkongwe Hiddink akitumia mipango ambayo iliwachanganya kabisa timu hii ya Barca na kujikuta wakilazimika kutoka suluhu ya bila kufungana ndani ya uwaja wao wa nyumbani.

Hiddink jana alitumia mtindo wa "zone defence" ambao ulionekana kufaa sana kwa timu yake kuyakabili mawimbi ya mashambulizi ya Barca ambayo yalionyesha hadi mwisho wa kipindi cha kwanza walifanikiwa kumiliki mpira kwa asilimia 70 na kuwaachia 30 Chelsea.

Pamoja na ukabaji huo, alikuwa ni Didie Drogba aliyekosa nafasi pekee katika mchezo huo ambayo kila mpenda soka anaamini kuwa alipaswa kufunga, kufuatia makosa yaliyofanywa na beki ya Barcelona.

Sasa kilichosalia ni mchezo wa marudiano kati ya timu hizi mbili pale mjini Lodon tarehe 6/06/2009.

Huu mchezo kila mmoja ana nafasi ya kushinda... lakini nikupe mchapo, mwenye nafasi zaidi ni Barca kwa kuwa wao sare yoyote ya magoli wanapita, huku Chelsea wakibakiwa na moja tu ya kuhakikisha kuwa wanatoka na ushindi katika mchezo wao huo wa marudiano pale Darajani!!!!

Barcelona Vs Chelsea ndani ya Camp Nou leo!!!!

2009-04-28T08:32:00.000-07:00

Nusu fainali ya Klabu Bingwa barani Ulaya inaaza rasmi leo, ambapo Barcelona inaikaribisha Chelsea ya Uingereza ndani ya Camp Nou.

Barca ambayo sasa uongozi wake wa ligi umepunguzwa na kufikia tofauti ya pointi nne tu dhidi ya wanaowafuatia, Real madrid, wana kazi ngumu sana inayohitaji utulivu wa hali ya juu wa akili katika kipindi cha siku saba zijazo, kuanzia leo.

Wakifahamu kuwa wanahitaji ushindi nyumbani kocha wa Barca, Pep, pamoja na kiungo wake Xavi, tayari wanasema, timu yao itahakikisha inapeleka mashambulizi ya kutosha mbele na kutafuta ushindi wa mapema kama walivyofanya walipokutana na Bayern Munich katika hatua iliyopita.

Wakati wao wakidai hayo, Bosi wa Chelsea Guss Hiddink anadai kuwa Jose Bosingwa, ndiye aliyekabidhiwa mikoba ya kukabiliana na safu ya mashambulizi ya barca inayoongozwa na Leonel Messi. Anasema watakuwa wakicheza mchezo wa kufunguka na kutafuta ushindi ugenini,ingawa wanatambua ugumu wa timu ya Barca hasa makali yao katika mashambulizi.

Mkongwe na Mtaalamu wa safu ya kiungo aliyewahi kucheza barcelona, Mdachi Johan Cruyff anakiri kuwa, baada ya kuangalia mchezo wa ligi wa Barca dhidi ya Valencia mwishoni mwa wiki, ni dhahiri klabu hii ya Hispania inahitaji kucheza kwa malengo ya ushindi zaidi na kuacha mchezo wa kuonyesha uwezo wao wa kuuchezea mpira.

Anasema Chelsea wana kasi kuliko valencia,na uwezo wao kimabavu katika safu ya kiungo ni tishio kwa klabu yake ya zamani na timu nyingine yeyote.

Pati gazeti ya fainali kombe la FA, England leo pale darajani: Ni ligi kuu Chelsea Vs Everton

2009-04-22T07:21:00.000-07:00

Kama ilikuwa unataka kushuhudia pati gazeti ya fainali ya kombe la FA, nchini Uingereza,
basi leo ndio wakati wenyewe, ambapo Chelsea inaikaribisha Everton katika mchezo wa ligi kuu ya soka ya England.

Vikosi vya timu hizi vinavyotarajiwa kupangwa leo:

Chelsea : Cech, Hilario, Belletti, Alex, Ivanovic, Carvalho, Mancienne, A Cole, Terry, Lampard, Ballack, Obi, Kalou, Essien, Malouda, Di Santo, Anelka, Quaresma, Stoch, Drogba.

Everton :Howard, Hibbert, Jagielka, Lescott, Baines, Osman, Neville, Fellaini, Vaughan, Pienaar, Cahill, Saha, Rodwell, Nash, Yobo, Castillo, Jacobsen, Gosling, Jo.

Sir Alex Ferguson: Haijalishi Liverpool wanacheza lini na matokeo ni yepi!

2009-04-22T07:16:00.000-07:00

Sir Alex Ferguson na Manchester United usiku wa leo wanangia uwanjani kuutana na timu ngumu ya Portsmouth, huku wakifahamu kuwa bado wapo juu, wakiwa na pointi sawa na viongozi wa ligi hiyo kwa sasa Liverpool, na wakifahamu kuwa ushindi kwao leo,utakuwa umewapa uongozi wa ligi wa tofauti ya pointi tatu juu. Pamoja na kuwa na Pointi sawa pia Man Uinted wana michezo miwili mfukoni ambayo inawapa nafasi kubwa zaidi ya kuuendeleza uongozi wao katika ligi kuu ya soka ya England.

Pamoja na yote haya Meneja wa Red Devils, Ferguson, anadai kuwa hayafuatilii sana matokeo ya Liverpool, bali amekaza fikira zake kwa namna kikosi chake kitakavyocheza katika kila mchezo unaokuja.

Akinukuliwa babu Fergie anasema "Haijalishi ni lini Liverpool watacheza," wao mawazo na malengo yao ni kipi wao watakachikifanya uwanjani.
Manchester United inaingia uwanjani leo ikiwa na kumbukumbu ya kupoteza mchezo wa nusu fainali ya kombe la FA, baada ya kufungwa kwa penati 4-2, dhidi ya Everton mchezo ambao Fergie aliamua kupanga kikosi dhaifu.

Lakini leo hii Sir Alex atakuwa akimkaribisha kiungo wake mahiri Cristiano Ronaldo, mshambuliaji Wayne Rooney ,golikipa mkongwe Edwin van der Sar na kiungo mshabuliaji, mkongwe Ryan Giggs kwa nia moja tu ya kusaka pointi tatu muhimu dhidi ya kikosi cha Paul Hart, cha Portsmouth.Mchezo wa leo pamoja na mengine, utakuwa na rekodi itakayowekwa na Paul Scholes ikiwa kama atacheza, kwani utakuwa ni mchezo wake wa 600 akiwa na jezi ya United.

Mbio za Ubingwa ligi kuu ya England kwa Liverpool, ziko pale pale… asema Steven Gerrard.

2009-04-22T05:02:00.000-07:00

Baada ya sare ya bao 4-4 hapo jana, Liverpool kwa sasa bado inaendelea kushikilia uongozi wa ligi kuu ya soka ya England ikiwa na pointi 71, sawa na Manchester united lakini wao wakiongoza kwa tofauti ya magoli.
Pamoja na kuwa vijana wa Sir Alex Ferguson wakiwa bado na michezo miwili kibindoni inayowawezesha kushika tena uongozi wa ligi hiyo, nahodha wa timu ya Liverpool, Steven Gerrard amegoma kabisa kukubali kuwa wamekwama katika mbio za ubingwa wa ligi hiyo.
Nahodha na kiugo huyo mahiri ambaye ameng’ara sana katika msimu huu kwa kazi yake njema akimsaidia Mshambuliaji Fernando Torres kupachika mabao, anasema ingekuwa kama jana wangepoteza mchezo wa jana na jinsi anavyoinagalia Man United ilivyo sasa huku akiamini kuwa haiwezi kufanya makosa ya kizembe kupoteza pointi anadhani basi angetamka kuwa ubingwa kwao ni ndoto.
Lakini kutokana na sare waliyopata, anaiona pointi hiyo kuwa ni ya muhimu sana.
Akizungumzia jinsi wenzake walivyocheza jana, Gerald anasema kuna wasaa aliona kabisa kuwa timu yao inacheza vema kuliko Arsenal, hasa pale Torres na Benayoun waliokuwa wakiongoza mashambulizi kuelekea lango la wageni wao. Lakini akaonyesha kusikitishwa na jinsi beki yao ilivyocheza huku akidai kuwa si kawaida yao kwani beki hiyo huwa ni ngumu kupitika hasa wakiwa katika uwanja wa nyumbani.
Gerrard kwa upande mwinge akawa muazi kuwa safari yao ya ubingwa pia inahitaji msaada wa vilabu vingine, ukanzia na mchezo wa leo ambapo Portsmouth wakiwa safarini nyumbani kwa Man United, Old Trafford.
Sare ya jana ya Liverpool ilishuhudia mabao mwili ya Fernado Torres na Benayoun, huku mabao manne ya Arsenal yakiwekwa kimiani na Andrey Arshavin ikiwa ni historia ya miaka 63, tangu Denis Westcott alipofanya hivyo mwaka 1946 ndani ya Anfield.